Bugungi kunda “Navoiy kon-metallurgiya kombinati” AJ faoliyatida xalqaro standartlarni joriy etishga alohida eʼtibor qaratilmoqda. Xususan, kombinat gidrometallurgiya zavodlari texnologik jarayonlarida natriy sianid eritmasi foydalanilishi tufayli kompaniyada Masʼuliyatli oltin qazib olish (RGMP) ва Xalqaro sianidlarni boshqarish kodeksi (ICMC) tamoyillarini joriy etish bo‘yicha chora-tadbirlar amalga oshirilmoqda.

Mazkur chora-tadbirlarga muvofiq, kombinat bo‘linmalarida rahbar ва ishchi-xodimlar, fuqaro muhofazasi tuzilmalarining tabiiy ва texnogen xususiyatli favqulodda vaziyatlarda harakat qilishi, ularning oqibatlarini bartaraf etish bo‘yicha tayyorgarlik darajasini oshirish, shuningdek, bu kabi vaziyatlarda aholi qanday harakat qilishi kerakligi to‘g‘risida xabardor etish muhim ahamiyatga ega.

Bu maqsadda, “NKMK” AJ Favqulodda vaziyatlar bo‘limi, favqulodda vaziyatlarning oldini olish ва harakat qilish davlat tizimining hududiy xizmatlari, kombinat bo‘linmalari vakillari hamkorligida mahalla fuqarolar yig‘inlari aholisini jalb etgan holda maxsus-taktik o‘quv mashg‘ulotlari muntazam tashkil etilmoqda.

Jumladan, “Qizilqum” kon boshqarmasi 1-gidrometallurgiya zavodi Chiqindi saqlash bo‘linmasi hududida “Favqulodda vaziyatlar sodir bo‘lishi natijasida natriy sianid eritmasi bilan bog‘liq avariya holatida yuzaga kelishi mumkin bo‘lgan vaziyatda to‘g‘ri harakat qilish, chiqindi saqlash bo‘linmasiga yaqin hududda yashovchi aholini ogohlantirish va evakuatsiya ishlarini amalga oshirish” mavzusida maxsus-taktik o‘quv mashqi o‘tkazildi. Tadbirda 1-GMZ rahbar-xodimlari, fuqaro muhofazasi tuzilmasi shaxsiy tarkibi, Navoiy viloyati Favqulodda vaziyatlar boshqarmasi, Karmana tumani “Xoncharbog‘” MFY vakillari ishtirok etishdi. O‘quv mashqi davomida shartli ravishda Chiqindi saqlash bo‘linmasi shimoliy-sharqiy tomonidagi to‘g‘onlarining yorilishi oqibatlarini bartaraf etish, to‘g‘onlarni tiklash, hududlar ва transportlarni zararsizlantirish hamda fuqarolarni ogohlantirish va evakuatsiya ishlari bajarildi.

Shuningdek, Janubiy kon boshqarmasi “Marjonbuloq” koni 11-avtogaraj xududida “Natriy sianid eritmasi to‘kilishi ва tarqalishi bilan bog‘liq texnogen tusdagi favqulodda vaziyatni bartaraf etish” mavzusida maxsus-taktik o‘quv mashqi bo‘lib o‘tdi. Tadbirda “Marjonbuloq” koni rahbar-xodimlari, fuqaro muhofazasi tuzilmasi shaxsiy tarkibi, G‘allaorol tumani favqulodda vaziyatlar bo‘limi ва “Marjonbuloq” shaharcha fuqarolar yig‘ini vakillari qatnashdi. O‘quv mashqi davomida shartli ravishda aholi yashash punktidan o‘tgan avtomobil yo‘lida natriy sianid eritmasini tashiydigan maxsus transport vositasi bilan sodir bo‘lgan yo‘l transport hodisasi oqibatida natriy sianid eritmasi to‘kilishi bilan bog‘liq favqulodda vaziyatlar oqibatlarini bartaraf etish, aholini xavfli hududdan vaqtincha evakuatsiya qilish ishlari amalga oshirildi.

Mazkur mashg‘ulotlar yakuni bo‘yicha fuqaro muhofazasi tuzilmalarining tayyorgarlik darajasi baholanib, masʼullar tomonidan kelgusida amalga oshirilishi lozim bo‘lgan vazifalar belgilab olindi.

“NKMK” AJ Matbuot xizmati