Toshkent shahrida 22-23-oktabr kunlari o‘tkazilayotgan 18-Xalqaro “Tog‘-kon ishi, metallurgiya va metallsozlik – MiningMetals Uzbekistan 2024” ko‘rgazmasi doirasida 6-O‘zbekiston xalqaro kon-metallurgiya forumi (UIMF 2024) bo‘lib o‘tmoqda.

Ushbu tadbirlarning ahamiyati shundaki, ularda mamlakatimiz va xorijiy davlatlarning konchilik va metallurgiya korxonalari, tarmoq vazirliklari vakillari va rahbarlari, xorijiy investorlar va soha mutaxassislari jamlangan.

“Navoiy kon-metallurgiya kombinati” AJ joriy yilda ham mazkur forumning bosh hamkori sifatida ishtirok etmoqda. Tadbirda qatnashayotgan kompaniya vakillari bosh direktorning transformatsiya masalalari bo‘yicha birinchi o‘rinbosari Yevgeniy Antonov, bosh direktorning iqtisod va moliya bo‘yicha o‘rinbosari Jaxongir Hasanov, texnologiya bo‘yicha direktor Otabek Mustaqimov, konchilik bo‘limi boshlig‘i Timur Xudoyarov, shuningdek, “NKMK” AJ ayollar Kengashi raisi Sabohat Nazarova va tashkiliy rivojlanish bo‘limi boshlig‘i Raʼno Qosimovalardan iboratdir.

Mazkur forum davom etmoqda.

“NKMK” AJ Matbuot xizmati.