27-29-oktabr kunlari Toşkent şahrida ötkazilayotgan 20-Xalqaro “Toğ-kon işi, metallurgiya va metallsozlik – MiningMetals Uzbekistan 2026” körgazmasi doirasida Özbekiston Respublikasi Toğ-kon sanoati va geologiya vazirligi kömagida 8-Özbekiston xalqaro kon-metallurgiya forumi (UIMF 2026) bölib ötdi.

Mazkur forum konçilik va metallurgiya kompaniyalari, davlat organlari, xalqaro taşkilotlar va ekspertlar hamjamiyati vakillarini dolzarb tendensiyalar, texnologik yeçimlar va sohani rivojlantiriş istiqbollarini muhokama qiliş uçun birlaştirdi.

Tadbir doirasida “Navoiy kon-metallurgiya kombinati” AJ vakillari inson kapitalini rivojlantiriş, raqamli transformatsiya, energiya samaradorligi va işlab çiqariş jarayonlarida zamonaviy texnologiyalarni joriy etiş masalalari muhokamasida iştirok etişdi.

Axborot-kommunikatsiya texnologiyalari boşqarmasi boşliği Bahriddin Bozorov “Raqamli transformatsiya: samarali, xavfsiz va barqaror işlab çiqarişda sunʼiy intellekt texnologiyalarining qöllanilişi” mavzusida maʼruza qildi. Maʼruzada işlab çiqariş jarayonlarining samaradorligi va xavfsizligini oşiriş, boşqaruvni takomillaştiriş va korxonalarning barqaror rivojlanişini qöllab-quvvatlaş uçun raqamli yeçimlar va sunʼiy intellekt imkoniyatlari taqdim etildi. Taʼkidlaş joizki, uşbu yönalişlar unumdorlik, resurslardan oqilona foydalaniş va ekologik masʼuliyatga qöyilayotgan talablarning ortib borişi şaroitida alohida ahamiyatga ega.

Transformatsiya boşqarmasi taşkiliy rivojlaniş bölimi boşliği Raʼno Qosimova “Metallurgiya 5.0: texnologiyalar kompetensiyalarga qöyiladigan talablarni qanday özgartirmoqda” mavzusida maʼruza qildi. Maʼruzada taʼkidlanganidek, texnologik rivojlaniş şaroitida inson kapitalining özgarişlarga tayyorligi korxona raqobatbardoşligining asosiy omillaridan biriga aylanmoqda. Zamonaviy texnologiyalarning joriy etilişi bilan bir qatorda, mutaxassislarning maʼlumotlarni tahlil qiliş, asosli qarorlar qabul qiliş va özgaruvçan işlab çiqariş şaroitlarida samarali harakat qiliş qobiliyati tobora muhim ahamiyat kasb etmoqda.

Şuningdek, uzoq muddatli investitsion va texnologik rejalarni hisobga olgan holda kasbiy tajribaning davomiyligi, “ustoz-şogird” anʼanasini rivojlantiriş va kadrlarni oldindan tayyorlaşga alohida eʼtibor qaratildi. Kelajak muhandislik kompetensiyalarini şakllantirişda ilm-fan, taʼlim va işlab çiqariş integratsiyasi muhim örin egallaydi.

“NKMK” AJ vakillarining UIMF 2026 forumidagi iştiroki professional tajriba almaşiş, ilğor sanoat amaliyotlari bilan tanişiş va xalqaro kon-metallurgiya hamjamiyati bilan hamkorlikni mustahkamlaşga xizmat qiladi.

“NKMK” AJ Matbuot xizmati