Menejment tizimlarini sertifikatlashtirish organi kengashi tomonidan berilgan ushbu sertifikat ekologik boshqaruv tizimi bo‘yicha xalqaro standart bo‘lib, korxonalarga atrof-muhitga taʼsirini nazorat qilish, ekologik xavflarni kamaytirish va resurslardan samarali foydalanish imkonini beradi. Bunday sertifikat mavjudligi ishlab chiqarish korxonalari uchun juda muhim hisoblanadi.

Navoiy mashinasozlik zavodiga ISO 14001:2015 (“Ekologik menejmenti tizimi”) xalqaro sertifikati berilishi atrof-muhitni muhofaza qilish, ishlab chiqarish jarayonida chiqindilar, havoga chiqariladigan gazlar va oqova suvlarni kamaytirish imkonini beradi hamda tabiiy resurslardan oqilona foydalanishni taʼminlaydi. Shuningdek, mazkur sertifikat mavjudligi korxonaga ishlab chiqarish xarajatlarini qisqartirish, ekologiya sohasiga doir qonunlar va meʼyoriy talablarga rioya qilishni osonlashtirish hamda eksport bozorlariga chiqish imkoniyatlarini kengaytirish imkonini beradi.

- Navoiy mashinasozlik zavodida ISO 14001:2015 xalqaro standartini joriy etish ekologik xavflarni kamaytirish, resurslardan samarali foydalanish, ishlab chiqarish xarajatlarini qisqartirish, milliy va xalqaro ekologik talablarga muvofiq ishlash hamda korxonaning raqobatbardoshligini oshirishga xizmat qiladi. Bu esa korxonaning barqaror rivojlanishi va xalqaro bozordagi nufuzini mustahkamlashga yordam beradi, - deydi zavod direktori Jahongir Hayitov.

Bugun mazkur sertifikat zavod rahbariyatiga topshirildi.

“NKMK” AJ Matbuot xizmati