VATAN HIMOYACHILARI BAYRAMI ARAFASIDA

O‘zbekiston Respublikasi Prezidentining “O‘zbekiston Respublikasi Qurolli Kuchlari tashkil etilganligining 27 yilligi hamda Vatan himoyachilari kunini nishonlashga tayyorgarlik ko‘rish va o‘tkazish chora-tadbirlari to‘g‘risida”gi farmoyishiga ko‘ra, mamlakatimizda 2018 yil 15 dekabridan 2019 yil 15 yanvarga qadar “Vatan – muqaddas, uni himoya qilish sharafli burchdir!” shiori ostida vatanparvarlik oyligi o‘tkazilmoqda.

военчасть Зарафшан

военчасть Зарафшан2

Shu munosabat bilan Markaziy kon boshqarmasiga qarashli 2-gidrometallurgiya zavodida Toifalangan ob’yektlarni qo‘riqlash qo‘shinlari qo‘mondonligiga qarashli 99550-harbiy qism shaxsiy tarkibining ko‘rgazmali chiqishlari, qurol-aslahalar, safda yurish ko‘nikmalari va qo‘l jangi elementlari, harbiy texnika vositalari namoyishi bo‘lib o‘tdi. Mazkur harbiy qismda taktik mashg‘ulotlarni professional darajada bajara oladigan, hamisha jangovar shay Vatan himoyachilari xizmat qilishmoqda. Bu yoshlarni harbiy-vatanparlik ruhida tarbiyalash, ularda tinchlikning qadriga yetish, mardlik, jasorat kabi jihatlarning shakllanishida muhim ahamiyatga ega.

NKMK matbuot markazi