• Yaratildi: 01.12.2020
• Yangilandi: 13.01.2022

Qabul qilish jadvali va tartibi

“Navoiy kon-metallurgiya kombinati” aksiyadorlik jamiyati rahbariyati tomonidan 2022-yilda jismoniy shaxslar va yuridik shaxslar vakillarini qabul qilish JADVALI

Sanaqulov Quvondiq Sanaqulovich	Boshqaruv raisi - Bosh direktor	Oyning ikkinchi shanba kuni soat 10-00 dan (qabulga oldindan Jismoniy va yuridik shaxslarning murojaatlariga oid  ishlarni nazorat qilish va muvofiqlashtirish bo‘limining 77-818  telefon raqami orqali yozilish mumkin)
Snitka Nikolay Pavlovich	Bosh muhandis	Oyning ikkinchi seshanba kuni soat 15-00 dan (qabulga oldindan Jismoniy va yuridik shaxslarning murojaatlariga oid  ishlarni nazorat qilish va muvofiqlashtirish bo‘limining 77-818 telefon raqami orqali yozilish mumkin)
Taparov Qurbanmurat Xolmuratovich	Bosh direktorning xodimlar va ma’muriy  masalalar bo‘yicha o‘rinbosari	Haftaning har chorshanba kuni soat 15-00 dan (qabulga oldindan Jismoniy va yuridik shaxslarning murojaatlariga oid  ishlarni nazorat qilish va muvofiqlashtirish bo‘limining 77-818, 77-145, 77-269 telefon raqamlari orqali yozilish mumkin)
Shaymardanov Aleksey Sergeyevich	Bosh direktorning iqtisod va moliya bo‘yicha o‘rinbosari v.b.	Haftaning har payshanba kuni soat 15-00 dan (qabulga oldindan Jismoniy va yuridik shaxslarning murojaatlariga oid  ishlarni nazorat qilish va muvofiqlashtirish bo‘limining 77-818, 77-145, 77-269 telefon raqamlari orqali yozilish mumkin)

O'zbekiston Respublikasi "Fuqarolar murojaatlari to'g'risida"gi Qonunining 8-moddasi

Fuqaroga, bir necha bor qilgan murojaatlari asossiz, noqonuniy xarakterga ega bo'lgan taqdirda,
qabul qilishda rad etilishi mumkin.

FUQAROLARNING ARIZALARIGA QO'YILADIGAN TALABLAR

O'zbekiston Respublikasi "Fuqarolar murojaatlari to'g'risida"gi Qonunining 6-moddasi.

Murojaatlarda fuqaroning familiyasi (ismi, otasining ismi), yashash joyi to'g'risida ma'lumot, ariza, taklif yoki shikoyatning mohiyati bayon etilgan bo'lishi lozim. Yozma murojaatlar murojaat etuvchining shaxsiy imzosi bilan tasdiqlangan bo'lishi lozim. Murojaatni shaxsiy imzo bilan tasdiqlash imkoniyati bo'lmagan taqdirda, u ushbu murojaatni tuzuvchining imzosi bilan qo'shimcha ravishda familiyasi, ismi, otasining ismi qo'yilgan holda tasdiqlanishi lozim.

Ariza murojaat mohiyati, muammo, takliflar ko'rsatilgan, zarur bo'lgan hujjatlar, ma'lumotnomalar ilova etilgan holda qisqa, aniq bayon etilgan bo'lishi lozim.

Arizachiga javob manzil bo'yicha (ish joyiga) O'zbekiston Respublikasi Qonunida o'rnatilgan, ammo ikki oydan ortiq bo'lmagan muddatda yuboriladi. Tel: +998 79 22-77-693, +998 79 22-77-558.

Ishga joylashish va boshqa bo'linmaga o'tkazish masalalari bo'yicha barcha murojaatlar NKMK kadrlar xizmatida O'zbekiston Respublikasining Mehnat kodeksiga muvofiq ko'rib chiqiladi.

JISMONIY VA YURIDIK SHAXSLARNING DAVLAT ORGANIGA UMUMIY

MASALALAR BO‘YICHA, SHU JUMLADAN MA’LUMOT TAQDIM ETISH TO‘G‘RISIDA SO‘ROV ORQALI MUROJAATLARINI TASHKILOT TOMONIDAN

KO‘RIB CHIQISH TARTIBI VA MUDDATLARI TAVSIFI

Fuqarolarning “Navoiy kon-metallurgiya kombinati” AJga kelib tushgan murojaatlari bosh direktor, kadrlar boshqarmasi boshlig‘i, NKMK kasaba uyushmasi kengashi raisi tomonidan ko‘rib chiqiladi.

Fuqarolarning murojaatlari, agar ular qo‘yilgan masalalarni hal etish vakolat doirasiga kirmaydigan "NKMK" AJga yuborilgan bo‘lsa, uzog‘i bilan besh kunlik muddat ichida tegishli organlarga jo‘natiladi va bu haqda fuqaroga xabar qilinadi.

Fuqarolarning takliflari tushgan kundan e’tiboran bir oygacha bo‘lgan muddat ichida ko‘rib chiqiladi, qo‘shimcha o‘rganishni talab etadigan takliflar bundan mustasno va bu haqda taklif kiritgan shaxsga o‘n kunlik muddat ichida ma’lum qilinadi.

Ariza yoki shikoyatlar masalani mohiyatan hal etishi shart bo‘lgan davlat organiga tushgan kundan e’tiboran bir oygacha bo‘lgan muddat ichida, qo‘shimcha o‘rganishni va tekshirishni talab etmaydigan ariza yoki shikoyatlar esa o‘n besh kundan kechiktirmay ko‘rib chiqiladi.

Ariza yoki shikoyatni ko‘rib chiqish uchun tekshirish o‘tkazish, qo‘shimcha materiallar talab qilib olish yoki boshqa chora-tadbirlar ko‘rish zarur bo‘lgan hollarda, ariza yoki shikoyatni ko‘rib chiqish muddati mazkur murojaatni ko‘rib chiqqan kombinat rahbari tomonidan istisno tariqasida uzog‘i bilan bir oyga uzaytirilishi mumkin va bu haqda ariza yoki shikoyat bergan shaxsga ma’lum qilinadi.

 

 

Arizalarni rasmiylashtirish tartibi keltirilsin (doc 20 KB)