• Yaratildi: 01.12.2020
• Yangilandi: 01.12.2020

"Savol-javob" bo‘limi

1. Xizmat turar joylari ajratish to‘g‘risida.

Xizmat turar joylari O‘zbekiston Respublikasi Vazirlar Mahkamasining 2000 yil 27 yanvardagi 24-sonli qarori bilan tasdiqlangan Xizmat turar joylari berish tartibi to‘g‘risidagi Nizom va NKMKning 2013 yil 23 fevraldagi “NKMK” xodimlariga xizmat turar joylari berish haqida”gi Nizomni harakatga keltirish to‘g‘risida”gi 113-sonli buyrug‘iga muvofiq beriladi.

2. Ishga qabul qilish qanday amalga oshiriladi?

Ishga qabul qilish tegishli ma’lumot, malaka va bo‘sh ish o‘rinlari mavjud bo‘lganda NKMK bo‘linmalarida oldindan suhbat o‘tkazilgandan so‘ng amalga oshiriladi.

- fuqaro shaxsini tasdiqlovchi pasport;

- mehnat daftarchasi;

- ma’lumot to‘g‘risida diplom;

- O‘zbekiston Respublikasi Mehnat Kodeksida ko‘zda tutilgan boshqa hujjatlarni taqdim etish zarur.

O‘zbekiston Respublikasi Vazirlar Mahkamasi Ijrochi qo‘mitasining 2014 yil 28 martdagi “Kasb-hunar kollejlarini tamroq korxonalariga biriktirish to‘g‘risida”gi 07-06-03 sonli qarori ijrosini ta’minlash maqsadida bugungi kunda NKMKga biriktirilgan kollej, shuningdek kombinat mablag‘lari hisobiga ta’lim olgan oliy o‘quv yurtlari bitiruvchilarini ishga qabul qilish amalga oshirilmoqda.

3. Ish stajini tiklash to‘g‘risida.

NKMK ishchilari ish stajlarini tiklash masalasi ish stajiga ustama berishni o‘rnatish bo‘yicha Markaziy komissiyada “NKMK ishchilarining ish stajiga ustama berish to‘g‘risida"gi amaldagi Nizomga muvofiq ko‘rib chiqiladi.

4. Foydalanuvchilarning rasmiy talablarini bajarish tartibi haqida (arxiv ma’lumotnomalarini olish uchun).

Foydalanuvchining talabi yuridik shaxsning nomi (fuqarolar uchun – F.I.Sh.), foydalanuvchining pochta yoki elektron manzili, mavzu (savol) ko‘rsatilgan holda, talab qilinayotgan ma’lumot xronologiyasi mavjud bo‘lgan holatda ko‘rib chiqiladi va arxiv tomonidan bajariladi. Foydalanuvchining rasmiy talabi arxiv rahbariyati tomonidan ko‘rib chiqiladi, ijro qilish uchun tegishli bo‘limga yoki bevosita bajaruvchiga yuboriladi va talab arxiv hujjatlari bo‘yicha yoki talab predmetiga tegishli bo‘lgan bosma nashrlar yordamida amalga oshiriladi. Foydalanuvchining rasmiy talabiga javob O‘zbekiston Respublikasi davlat tilida yoki murojaat yozilgan tilda beriladi.

5. Yotoqxona (oilaviy, bir kishilik yotoq joy) olish bo‘yicha tushuntirish.

NKMK yotoqxonalari to‘g‘risidagi Nizomning 1.3. bandiga muvofiq, yotoqxonadan xona ajratish kombinat ma’muriyati va kasaba uyushma Kengashi prezidiumi qarori bo‘yicha ishchi-xodim ishlayotgan bo‘linmaning iltimosnomasi bo‘yicha va faqat bo‘shagan yashash maydoniga amalga oshiriladi. Ishchi-xodim yotoqxona olishga navbatga turish uchun o‘zi ishlaydigan bo‘linmaning uy-joy maishiy komissiyasiga quyidagi hujjatlarni taqdim qilgan holda, murojaat qilishi zarur:

- ariza;

- ish joyidan ma’lumotnoma;

- turar joydan berilgan oila-a’zolari haqidagi ma’lumotnoma (unda uy egasi va turar joyning umumiy maydoni ko‘rsatilgan bo‘lishi kerak);

- pasportlarning nusxasi (propiska qayd qilingan varag‘i bilan);

- nikoh qayd qilinganligi haqidagi guvohnomaning nusxalari;

- bolalar tug‘ilganligi haqidagi guvohnomalarning nusxalari;

- kadastr xizmatidan ma’lumotnoma.