• Yaratildi: 27.01.2022
• Yangilandi: 27.04.2022

NKMK xodimlari kasaba uyushmasi Kengashi

“Navoiy kon-metallurgiya kombinati” aksiyadorlik jamiyatining 43 ming, “Navoiyuran” davlat korxonasining 7 ming, “NKMK jamg‘armasi” davlat muassasasining 9 ming nafar ishchi-xodimlarini, bundan tashqari 4 ming nafardan ortiq Navoiy davlat konchilik instituti professor-o‘qituvchi va talabalarini ijtimoiy himoyalashga alohida eʼtibor qaratiladi. Bu ishlarni  NKMK xodimlari kasaba uyushmasi Kengashi va uning kombinat bo‘linmalaridagi 7 ta qo‘mitasi, 45 ta boshlang‘ich tashkiloti amalga oshirmoqda.

NKMK xodimlari kasaba uyushmasi faoliyatining asosiy maqsadi kasaba uyushmasi aʼzolarining kasbiy, ijtimoiy, iqtisodiy, maʼnaviy, ekologik, intellektual va qonuniy manfaatlarini himoya qilishdan iborat.

NKMK xodimlari kasaba uyushmasi o‘z maqsadiga erishish uchun quyidagi vazifalarni amalga oshiradi:

- davlat va jamoat tashkilotlarida kasaba uyushma aʼzolarining qonuniy manfaatlarini ifodalaydi, himoya qiladi hamda ularga huquqiy, moddiy yordam ko‘rsatadi;

- NKMK xodimlari va ish beruvchi o‘rtasidagi mehnatkashlar manfaatiga javob beruvchi jamoa shartnomasini ishlab chiqish va tuzish tashabbusi bilan chiqadi, uning bajarilishi ustidan nazoratni amalga oshiradi;

- kombinatning iqtisodiy va ijtimoiy rivojlanish rejalarini, foydani taqsimlash, ish haqi jamg‘armasini tashkil etish va undan foydalanish tartibini ko‘rib chiqishda, mehnatkashlar bandligi jarayonlarini tartibga solish, ularning malakasini oshirish va kasbiy qayta tayyorlashda ishtirok etadi;

- mehnat qonunchiligiga rioya etilishi, mehnat va atrof muhit muhofazasi holatini, xodimlarga sog‘lom va xavfsiz mehnat sharoitlarini, lozim darajadagi ishlab chiqarish sharoitlarini yaratish, ijtimoiy sug‘urta va sog‘likni saqlash sohasidagi qonunchiliklarga rioya etilishi, xodimlarning ijtimoiy taʼminoti, yashash sharoitlarini va boshqa ijtimoiy himoya turlarini yaxshilash bo‘yicha jamoatchilik nazoratini amalga oshiradi;

- mehnatkashlar va ularning oila aʼzolari orasida sanatoriy-kurortlarda davolanish, bolalarni sog‘lomlashtirish va dam oldirish, madaniyat, turizm, ommaviy jismoniy tarbiya va sport muassasalarini rivojlantirish bo‘yicha sog‘lomlashtirish tadbirlarini tashkil etadi va o‘tkazadi;

- ijtimoiy sherikchilik tizimini rivojlantirishga, ish beruvchilar birlashmasi, davlat va ijro hokimiyati organlari hamda kasaba uyushmalarning uch tomonlama  hamkorligi prinsiplarini amalga oshirishga ko‘maklashadi;

- ish beruvchi bilan mehnatga haq to‘lash tartibini, moddiy rag‘batlantirish shakllari, tarif bo‘yicha belgilangan maosh miqdorlari (oylik), mehnat normalari va ushbu huquqlarni jamoa shartnomasi, kelishuvlarda  ko‘rsatilishini kelishadi.

NKMK xodimlari kasaba uyushmasi Kengashi raisi: Isroil Qurbonovich Raxmatov

Qabul kunlari: har hafta seyshanba kunlari  

Telefon: 79-227-73-77