2012 yil 6 fevralda Navoiy КMК boshqarmasida bo‘lib o‘tgan yig‘ilishda Oliy Majlis Senatori, Bosh direktor, texnika fanlari doktor Q. S. Sanaqulov nutq so‘zladi.

Q. S. Sanaqulov o‘z nutqida 2011 yil yakunlari to‘g‘risida batafsil to‘xtalib, butun mamlakatda bo‘lgani kabi Navoiy КMК mehnat jamoasida ham bu yil O‘zbekiston Respublikasining 20 yillik bayrami shiori ostida o‘tganini ta’kidladi. «Bizning jamoamiz O‘zbekiston Prezidenti I. A. Кarimov va hukumatimizning Navoiy kon-metallurgiya kombinatining rivojlanishi uchun alohida e’tibor berayotganligini yana bir bor his qildi» - dedi Quvondiq Sanaqulovich va Vatanimiz yubileyiga bag‘ishlab yuksak darajadagi davlat mukofotlari bilan taqdirlangan, butun Navoiy kon-metallurgiya kombinatining faxriga aylangan mehnat qahramonlarini nomma-nom aytib o‘tdi.

O ‘tgan yilda erishilgan asosiy yutuqlar va ishga tushirilgan ob’ektlar sanab o‘tildi.

O‘zbekiston Respublikasi Prezidentining Farmonlariga muvofiq quyidagilar taqdirlangan:

«O‘zbekiston Respublikasida xizmat ko‘rsatgan sanoat xodimi» unvoni bilan Nikolay Эdmundovich Lakay-«Navoiy mashinasozlik zavodi» ishlab chiqarish birlashmasi direktori;

«Do‘stlik» ordeni bilan Yuriy Sergeevich Lopatin-Markaziy kon boshqarmasi «Muruntov» koni kon-transport uchastkasi boshlig‘i;

«Mehnat shuhrati» ordeni bilan Ismatulla Samatovich Saxatov- Markaziy kon boshqarmasi temir yo‘l transporti boshqarmasi teplovoz mashinisti;

II darajali «Sog‘lom avlod uchun» ordeni bilan Irina Anatolevna Butko-Navoiy shahar bolalar-o‘smirlar sport maktabining gimnastika bo‘yicha murabbiyasi;

«Fidokorona xizmatlari uchun» ordeni bilan Quvondiq Sanaqulov-«Navoiy kon-metallurgiya kombinati» Davlat korxonasi bosh direktori;

Shuningdek, «Shuhrat» medali bilan Serijan Janaxmetov-Uchquduq sh. «Sovremennik» madaniyat saroyi xonandasi, Ne’matillo Asatovich Axatov- Shimoliy kon boshqarmasi 3-Gidrometallurgiya zavodi direktorii, Ivan Ivanovich Boyko - Zarafshon qurilish boshqarmasi temir-beton mahsulotlari zavodi elektrgazpayvandlovchisi, Кamil Xudoyorovich Imomov- Markaziy kon boshqarmasi 9-avtobazasi 1 toifali avtomobil haydovchisi, Aleksandr Vasilevich Petrenko- Markaziy kon boshqarmasi 2-Gidrometallurgiya zavodi bosh mexanigi, Кomil Abdirasulovich Tangirov - Janubiy kon boshqarmasi «Zarmitan» koni yer osti ishlari kon qazish uchastkasi kon kovlovchisi.

Asosiy yutuqlar va o‘tgan yili bunyod etilgan ob’ektlar xususida gapirildi.

«Muruntov» konida jahonda yagona bo‘lgan kon massasini 270 metr balandlikka ko‘taradigan tik qiya konveyer foydalanishga topshirildi.

2-GMZ da 11- sonli tegirmon bloki qayta qurildi, natijada uning unumdorligini 1,5 marta oshirishga imkon yaratdi, beshinchi ohak pishirish pechi ishga tushirildi.

Oltinni uyumlarda tanlab eritmaga o‘tkazish sexida tanlab eritmaga o‘tkazish asosining beshinchi boshqichi qurilishi yuqori sur’atlar bilan olib borilmoqda. Ob’ektni ishga tushirish 2012 yilning 1-choragiga rejalashtirilgan.

Shimoliy kon boshqarmasining 3-GMZda ishlov berish qiyin bo‘lgan sulfid ma’danlar biooksidlanish texnologiyasining ikkinchi navbati ishga tushirilgan, bu Navoiy КMКda ishlab chiqiladigan oltinning umumiy miqdorini 26,7 foyizga bosqichma- bosqich oshirish imkonini beradi.

Juda qisqa muddatda qurilgan Janubiy kon boshqarmasidagi 4-sonli Gidrometallurgiya zavodi loyihaviy unumdorlikka chiqib oldi. 4-GMZda intensiv gravitatsiya usuli bilan mayda oltinni ajratishning eng yangi gravitatsion texnologiyasi, tarkibi oltinga boy bo‘lgan konsentratlarni sianlash, gravitatsion konsentratlarni intensiv sianlash o‘zlashtirildi, bular avstraliya kompaniyasida ishlab chiqilgan GEККO qurilmalarida amalga oshiriladi. Hozirgi vaqtda kombinatning eng yosh oltin zavodi Navoiy КMК qimmatbaho metallarining 8 foizga yaqinini etkazib bermoqda.

2011 yil yakuni bo‘yicha fosforit mahsulotlarini qayta ishlovchi O‘zbekiston korxonalarini ta’minlash bo‘yicha ishlab chiqarish dasturi Qizilqum fosforit majmuasida (QFM) to‘liq hajmda bajarilgan. QFM ishlab chiqarish quvvatini kengaytirish rejalashtirilmoqda, bu kuydirilgan fosforit konsentratlari ishlab chiqarilishini 1,8 marta oshirishga imkon beradi.

Navoiy КMК 2011 yilda affinajlangan oltin chiqarish bo‘yicha davlat buyurtmasini 100,1 foizga bajardi, ishlab chiqarilayotgan mahsulotning tannarxini 2,7 foizga kamaytirishga erishildi.

Uranni yer ostida tanlab eritmaga o‘tkazish poligonlarida ishlab chiqarish quvvatlarini texnik qayta jihozlash va ishdan chiqqan texnologik jihozlarni almashtirish amalga oshirilmoqda. Meylisoy, Shimoliy Кonimex, Alendi konlarida kon majmualari qurildi. Aulbek, Shimoliy Mayzak konlarida minireagentli texnologiyalarni qo‘llagan holda ishlar amalga oshirilmoqda.

“Do‘stlik” agrofirmasida tuxum beradigan 70 ming tovug‘i bo‘lgan zamonaviy parrandachilik firmasi foydalanishga topshirildi, Marjonbuloq shahrida yoshlar uchun sport majmuasi, Papanoy va Jusquduq qo‘rg‘onlarida qishloq tibbiyot punktlari ochildi.

Joriy yilda Zarafshon shahrida 7 etajli turar joy binosi, Zarkent qo‘rg‘onida 5 ta kottej va ikkita ishchilar yotoqxonasi, Zafarobod qo‘rg‘onida 6 ta kottedjlar qurilgan va foydalanishga topshirilgan.

Navoiy КMК xodimlarini ijtimoiy qo‘llab-quvatlash Fondi orqali kombinat mehnatkashlaridan 389 nafariga 7 milliard sumdan ortiq moddiy yordam va ssuda (qarz) ajratilgan.

Qishloq joylarida turar joy qurish uchun 283 nafar xodimga 6 278 million sumlik “Qishloq qurilish banki” kreditlarining dastlabki badallarini to‘lab berish uchun ssuda ajratilgan.

2011 yil kichik biznes va tadbirkorlik yili sifatida esda qoldi. Bu dastur bo‘yicha harajatlarning umumiy miqdori 7 milliard sumdan oshib ketdi.

2012 yilda respublika hukumati tomonidan tasdiqlangan investitsiya loyihalarini amalga oshirish va yangi ob’ektlarni qurish evaziga sanoat ishlab chiqarish hajmi oshadi, bu kombinat mehnatkashlari farovonligini oshiradi. Bu juda dolzarb, modomiki mamalakatimiz Prezidenti 2012 yilni mustahkam oila yili deb e’lon qildi va bizning jamoamiz azaldan katta, mustahkam va juda inoq oila ekanligini ta’kidlagim kelayapti, - dedi Q.S.Sanaqulov.

NКMК mabuot markazi