Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot NKMK bosh direktori kombinat faol yoshlari va yetakchilari bilan uchrashdi

NKMK bosh direktori kombinat faol yoshlari va yetakchilari bilan uchrashdi

Joriy yilning 11 yanvar kuni NKMK boshqarmasi katta majlislar zalida Navoiy kon-metallurgiya kombinati bosh direktori Q.Sanaqulovning kombinat faol yoshlari va yetakchilari bilan uchrashuvi bo‘lib o‘tdi.

13 января

Tadbir avvalida yoshlarga O‘zbekiston Respublikasi Prezidenti Shavkat Mirziyoyevning o‘tgan yilning 27 dekabr kuni Muhammad al-Xorazmiy nomidagi maktabda yoshlar bilan uchrashuvi lavhasi namoyish etildi.

Shundan so‘ng NKMK yoshlari yetakchilari Kengashi tomonidan kombinat bo‘linmalarida mehnat qilayotgan yosh ishchi-xodimlar o‘rtasida har yili an’anaviy tarzda o‘tkazib kelinayotgan “Yilning eng yaxshi innovatsion g‘oya va ratsionalizatorlik taklifi”, “Yilning eng yaxshi yoshlar yetakchisi” tanlovlari g‘oliblarini tantanali taqdirlash marosimi bo‘lib o‘tdi.

13 января2

Tadbirda NKMK bosh direktori Q.Sanaqulovning yoshlarga oid davlat siyosatining 2019 yilda kombinatdagi ijrosi va bu borada 2020 yildagi ustuvor vazifalar haqidagi ma’ruzasi tinglandi. Ma’ruzada ta’kidlanganidek, bugungi kunda korxonada 16 ming nafarga yaqin yoshlar turli sohalarda faoliyat olib borishmoqda. Ularning 2,7 ming nafardan ortig‘i oliy ma’lumotga ega bo‘lib, hozirda 378 nafari turli rahbarlik lavozimlarida, shuningdek, 1,3 ming nafardan ortig‘i esa turli toifadagi mutaxassis lavozimlarida ishlab kelishmoqda. Shuningdek, 2019 yilda kombinat hisobidan 4 mingdan ortiq yosh xodimlarni qayta tayyorlash va malakalarini oshirishga erishilgan. Bundan tashqari, korxonada yoshlar ittifoqi yetakchilar Kengashi raisi va yirik bo‘linmalarda esa yoshlar Kengashi yetakchilari shtatlari ajratilib, ularga rahbarning yoshlar masalalari bo‘yicha o‘rinbosari maqomi berilgan. Ayni paytda kombinat bo‘linmalari, uchastka va sexlarida 124 ta boshlang‘ich tashkilotlar tashkil etilgan.

13 января3

- Men bo‘linmalarga borganda yoshlar bilan doimiy ravishda ko‘plab suhbatlar qilishga harakat qilaman. Ochig‘ini aytsam, ular orasidan o‘z sohasidan yaxshi xabardor va bilimli, ko‘zlari porlab turgan yigit-qizlarni izlayman. Nega deysizmi? Chunki, ular besh-o‘n yildan so‘ng korxonamiz kelajagini hal qiladigan mutaxassis va rahbarlar bo‘lib yetishishadi. Qolaversa, yoshlarning bo‘sh vaqtlarini band qilish, undan samarali foydalanishlari uchun barcha sharoitlarni yaratib berish, iqtidorli yoshlarning mexanika, robototexnika, axborot-kommunikatsiya texnologiyalari va boshqa texnik yo‘nalishlar bo‘yicha ixtiro, innovatsion g‘oyalarini muhokama qiladigan klub va to‘garaklar sonini oshirish kabi masalalar har bir bo‘linma birinchi rahbarining muqaddas vazifasi bo‘lishi kerak, - dedi NKMK bosh direktori Q.Sanaqulov.

13 января4

Uchrashuvda NKMK bosh direktori Q.Sanaqulov yoshlarning savollariga atroflicha javob berdi va kelib tushgan murojaatlar yuzasidan tegishli chora-tadbirlar belgilab olindi.   

NKMK Matbuot markazi.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot NKMK bosh direktori kombinat faol yoshlari va yetakchilari bilan uchrashdi