Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot Qaror ijrosi ta’minlanayapti

Qaror ijrosi ta’minlanayapti

O‘zbekiston Respublikasi Prezidentining 2017 yil 23 may kunidagi «Yong‘in xavfsizligi sohasida kadrlarni tayyorlash, qayta tayyorlash va malakasini oshirish tizimini takomillashtirish chora-tadbirlari to‘g‘risida»gi 2991-sonli qarorida ichki ishlar vazirligi Yong‘in xavfsizligi institutining hududiy yong‘in xavfsizligi komissiyalari bilan birgalikda yilda bir marta respublikaning har bir hududida natijalari yuzasidan test sinovlari qabul qilinadigan va tegishli sertifikatlar beriladigan ob’ekt rahbarlarining kompleks o‘quv amaliy yig‘inlarini o‘tkazish belgilangan.
Qaror talablarini bajarish, Navoiy kon-metallurgiya kombinatining joylardagi kon boshqarmalarining ishchi va xizmatchilarini yong‘in xavfsizligi sohasidagi bilim va ko‘nikmalarini oshirish maqsadida o‘quv tashkil etildi. Unda O‘zbekiston Respublikasi Ichki ishlar vazirligi Yong‘in xavfsizligi institutining malakali professor-o‘qituvchilari, kafedra boshliqlari podpolkovniklar Mirsobit Musoxodjiev, Ulug‘bek Yoqubov va Ravshan Yusupovlar Shimoliy va Markaziy kon boshqarmalarining 120 nafarga yaqin ishchi xodimlarini o‘qitdilar. Soha xodimlari ob’ektlar ishchi va xizmatchilarining yong‘in xavfsizligi qoida va talablarini targ‘ib etish, birlamchi yong‘in o‘chirish vositalaridan qay tartibda foydalanish yuzasidan amaliy ko‘nikmalarini yana bir bor sinovdan o‘tkazishdi.
Professor o‘qituvchilar tomonidan yangi, zamonaviy yong‘in o‘chirish texnika va qurol-aslahalarining ko‘rgazmali namoyishi tashkil etildi. Unda yong‘in o‘chirish avtomobillarining taktik-texnik xususiyatlari, afzalliklari, birlamchi yong‘in o‘chirish vositalarini ishlatish tartibi tushuntirildi. Binodagi yong‘in o‘chirish jo‘mraklaridan foydalanish va yong‘inni avtomatik ravishda xabar berish moslamalarining sozligi va nazoratiga alohida e’tibor berish zarurligi ta’kidlandi.


Ma’rufjon XAYITOV,
NKMK YOXB muhandisi, serjant.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot Qaror ijrosi ta’minlanayapti