Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot KOMBINAT FAXRIYLARINING YUBILEY TURNIRI

KOMBINAT FAXRIYLARINING YUBILEY TURNIRI

Avgust oyining boshida “1-GMZ” kon boshqarmasi sport majmuasi va “Bolajon” bolalar sog‘lomlashtirish oromgohining futbol maydonida Navoiy kon-metallurgiya kombinatining faxriylari o‘rtasida sportning mini-futbol turi bo‘yicha O‘zbekiston Respublikasi mustaqilligining 27 yilligi va NKMK tashkil topganining 60 yilligiga bag‘ishlangan 15-ochiq turniri bo‘lib o‘tdi.

Musobaqada Toshkent viloya, Jizzax, Zarafshon, Navoiy, Namangan, Nurobod, Urgench shahar va Zafarobod qo‘rg‘onidan 12 ta jamoa ishtirok etdi. Guruh bosqich o‘yinlari qizg‘in va murosasiz kechdi. “NKMK” jamoasi Nurobodning “Yoshlik” jamoasi darvozasiga 10 ta javobsiz to‘p kiritdi. Tarkibida O‘zbekiston Qahramoni Anatoliy Panin o‘ynagan Uchquduqning “Lochin” jamoasi o‘yinchilari oxirgi daqiqalarda Jizzaxning “To‘qimachi” jamoasiga 1:2 hisobida yutqazishdi.   

Birinchi yarim final bahsida “NKMK” va “1-GMZ” kon boshqarmasi jamoalarining faxriylari uchrashdi. 1-gidrometallurgiya zavodining vakillari birinchi daqiqalardayoq urgan goli birinchi taymning oxirigacha yagona bo‘lib qoldi. Ammo ikkinchi taymda kombinat jamoasi uchta gol urib, finalga yo‘l oldi. Ikkinchi yarim finalda Namanganning “Navbahor” va Jizzaxning “To‘qimachi” jamoalari kuch sinashdi. Ushbu o‘yin tomoshabinlarda katta qiziqish o‘yg‘otdi. Jizzaxliklar birinchi bo‘lib gol urishdi, ammo birinchi taymning oxirida namanganliklar hisobni tenglashtirishdi. Ikkinchi taymning o‘rtasida jizzaxliklar ikkinchi golni urishdi. Namanganlik faxriylar oxirigacha kurashib, o‘yin tugashiga bir necha daqiqa qolganida hisobni tenglashtirishdi. Penaltilar tepishda omad jazzaxliklarga kulib boqdi. 

Uchinchi o‘rin uchun kechgan bahsda “1-GMZ” kon boshqarmasi futbolchilari Namanganning “Navbahor” jamoasi ustidan 3:1 hisobida g‘alaba qozonib, turnirning bronza medallari sohibiga aylandi. Finalda “NKMK” va “To‘qimachi” jamoalari kuch sinashdi. Natijada birinchi o‘rin jizzaxliklarga nasib etdi, kombinat jamoasi esa musobaqaning kumush sovrinini qo‘lga kiritdi.

Turnir yakunlariga ko‘ra, “NKMK” jamoasi o‘yinchisi X.Aktamov eng yaxshi to‘purar, deb topildi, turnirning eng yoshi katta o‘yinchisi sovrini esa O‘zbekiston Qahramoni Anatoliy Paninga topshirildi. G‘oliblar kubok, diplom va qimmatbaho sovg‘alar bilan taqdirlandi. 

Sergey KNYAZEV,

jamoatchi muxbir.

 

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot KOMBINAT FAXRIYLARINING YUBILEY TURNIRI