Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №14 от 26.07.2018 RATSIONALIZATORLIK TAKLIFLAR QO‘LLANILMOQDA

RATSIONALIZATORLIK TAKLIFLAR QO‘LLANILMOQDA

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida – ilmiy-tadqiqot va innovatsiya faoliyatini rag‘batlantirish, ilmiy hamda innovatsiya yutuqlarini amaliyotga joriy etishning samarali mexanizmlarini yaratishga alohida e’tibor qaratildi.

Janubiy kon boshqarmasida innovatsion muhitini shakllantirish va rivojlantirish, mahsulotlarni ishlab chiqarishning yangi texnologiyalarini yaratish va undan ishlab chiqarishda unumli foydalanish maqsadida 2016 yilda ishlab chiqarishga samarali texnologiyalarni joriy etish, mahalliy xomashyolardan foydalangan holda modernizatsiyalashga qaratilgan 28 ta ratsionalizatorlik takliflari tushgan bo‘lib, shundan 16 tasi ishlab chiqarishda qo‘llanildi. 2017 yilda esa bu ko‘rsatkich 34 tani tashkil etib, ularning 20 tasi ishlab chiqarishga joriy etildi va mualliflar rag‘batlantirildi.

Ta’mirlash-mexanika sexi, 4-gidrometallurgiya zavodi, plastmassa quvurlari va mahsulotlari ishlab chiqarish sexi, maxsus kiyimlar tikish sexi, 5, 10-avtobazalar, “Zarmitan” va “Sobirsoy” konlari jamoalari ixtirochilik va ratsionalizatorlik takliflarini berishda faollik ko‘rsatishmoqda.

Ta’mirlash-mexanika sexi boshlig‘ining o‘rinbosari Rustam Achilov, uchastka boshlig‘i Nosir Ulug‘murodov, 4-gidrometallurgiya zavodi bosh muhandisi Asqar Zokirov, zavod bosh muhandisining ishlab chiqarish bo‘yicha o‘rinbosari Nusrat Hayitov, “S” koni geologiya-geotexnologiya byurosining yetakchi muhandisi Viktor Potapov, “Z” konidan G‘ayrat Ergashov, plastmassa quvurlari va mahsulotlari ishlab chiqarish sexi boshlig‘ining o‘rinbosari Zafar Amirqulov va mexanik Akbar Dolievlar faol ratsionalizatorlardir.

Innovatsion ishlanmalar, taklif va ixtirolar borasida korxonamizda amalga oshirilayotgan ishlarga to‘xtaladigan bo‘lsak, “Gujumsoy” konida dispetcherlar xonasiga masofadan turib markaziy kompressor stansiyasining ish faoliyatini bevosita kuzatish uchun o‘rnatilgan SIEMENS SEMATIC PANEL TOUCH qurilmasining qo‘l kelayotganini, plastmassa quvurlari va mahsulotlari ishlab chiqarish sexida mahsulotni ishlab chiqarish jarayonida, ma’nan eskirgan dasturlash tizimini so‘nggi zamonaviy dasturlash tizimi bilan ta’minlash maqsadida birinchi aralashtirish tizimiga alohida yangi kontroller SIEMENS S5 va birinchi tarmoq ekstruderi alohida avtomatik shkaf uzatmasi PIC LOGO qurilmasi orqali tejamkorlik asosida ishlatilayotganini ta’kidlash o‘rinlidir. Bundan tashqari, ikkinchi sexdagi MA-200K rusumli muftalash mashinasinining avtomatik boshqarish tizimida zamonaviy dasturlash ishlari amalga oshirildi. Natijada qiymati 19 ming AQSh dollaridan oshiq bo‘lgan dasturlash tizimi tejab qolindi. Yosh ixtirochilarimiz tomonidan shaxta sharoitida ishlatiladigan Simba H-157, Simba TID, BOOMER, RB-282 rusumli o‘ziyurar burg‘ilash texnikalarining perfaratorlarida ratsionalizatorlik taklifi sifatida amalga oshirilgan o‘zgartirishlar ish unumdorligini oshirish va xorijdan olinadigan qimmatbaho ehtiyot qismlarni tejash imkonini berdi. Yangilik “ATLAS COPKO” firmasi mutaxassislari tomonidan ham e’tirof etildi.

4-gidrometallurgiya zavodining izlanuvchan yoshlari bir qator innovatsion va ratsionalizatorlik takliflarini amalga tadbiq etishga muvaffaq bo‘ldilar. Jumladan, gravitatsiyaviy boyitish tuguniga qo‘shimcha aylanma g‘alvir o‘rnatish yordamida mayda fraksiyadagi mahsulot bilan ishlovchi FALCON konsentratorlari yirik va boy mahsulot bilan ishlash rejimiga o‘tkazildi. Natijada ortiqcha xarajat sarflanmagan holda yillik 900 million so‘mdan oshiq qiymatga ega bo‘lgan qo‘shimcha mahsulot ishlab chiqarish yo‘lga qo‘yildi. Maydalash va gravitatsiyalash bo‘limining gravitatsiyalash tuguni, unda foydalanilayotgan xorijiy 8 KREBS millimax nasoslari kombinat bazasida ishlab chiqarilayotgan import o‘rnini bosuvchi 8GR-8T nasoslari bilan ishlashga moslashtirilishi tufayli xorijdan olinadigan butlovchi qismlar xaridi uchun sarf qilinadigan 200 million so‘mdan oshiq miqdordagi mablag‘lar iqtisod qilindi. Zavodning sorbsiya va sianlash bo‘limida ionalmashuvchi smolani yog‘och qipig‘idan ajratib olish tuguni ishga tushirildi. Shuningdek, ma’dan tayyorlash bo‘limining texnologik jihozlari to‘liq avtomatlashtirilib masofadan boshqaruv tizimiga o‘tkazildi. Bunday ratsionalizatorlik takliflarining amalga tatbiq etilishi iqtisodiy samara beribgina qolmay, ishchi va xodimlarimiz uchun xavfsiz, samarali va foydali mehnat sharoitlarini yaratishga xizmat qilmoqda.

Zavodda tokarlik ustaxonasining ishga tushirilishi 60 turdan ziyod turli xil detallar va ehtiyot qismlarni shu yerning o‘zida tayyorlash imkonini berdi. Bu, mahsulot tannarxining pasayishiga, muammolarga operativ yechimlar topishga va eng muhimi, qo‘shimcha ish o‘rinlarini yaratishga olib keldi.

Boshqarmamiz mutaxassislari tomonidan ishlab chiqilgan “2017-2021 yillarda ilmiy-texnikaviy yo‘nalishda mahsulot ishlab chiqarish tannarxini pasaytirish bo‘yicha belgilangan tadbirlar rejasi”ning ijrosini ta’minlash borasida ham ishlar olib borilmoqda. Ilg‘or texnika va texnologiyalar yutuqlaridan foydalangan holda qorishmani yer ostidan qazib olish hajmini oshirish, nasoslarning foydalanish muddatlarini yanada uzaytirish, quduqlarni o‘z vaqtida ta’mirlash ishlarini sifatli va qisqa muddatlarda bajarish, ish vaqtidan unumli va samarali foydalanish, elektr energiyasi, yoqilg‘i-moylash materiallari va xomashyolarni tejash – bularning barisi provardida mehnat unumdorligining oshishiga olib keladi.

Timur NAVRO‘ZOV,

Janubiy kon boshqarmasi texnik-ishlab chiqarish

va innovatsiyalar bo‘limi boshlig‘i.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №14 от 26.07.2018 RATSIONALIZATORLIK TAKLIFLAR QO‘LLANILMOQDA