Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №15 от 09.08.2018 FRANSIYA OSMONIDA JAHON MADANIYATI

FRANSIYA OSMONIDA JAHON MADANIYATI

“Konchilar hayoti” gazetasining 2018 yil 9 avgustdagi 15-sonida e’lon qilingan Lola Mamarahimovaning “Fransiya osmonida jahon madaniyati” nomli maqolasida Navoiy shahridagi “Farhod” madaniyat saroyi vakili Oybek Rahmatov bilan intervyu yoritildi. 

Suhbat davomida O.Rahmatov Navoiy kon-metallurgiya kombinatiga qarashli “Farhod” madaniyat saroyining “Sardoba” folklor-etnografik xalq ansambli qatnashchilari Fransiyada YUNESKO hamkorligida bo‘lib o‘tgan 45-xalqaro “Jahon madaniyati – Gannat 2018” festavalidagi ishtiroki haqida so‘zlab berdi.  Mazkur madaniy tadbirda Amerika, Afrika, Yevropa va Osiyo qit’alarining 54 davlatidan folklor jamolar ishtirok etdi.  

Festival doirasida ansamblning Fransiyaga ijodiy safari 22 kun davom etib, uning qatnashchilari ushbu Yevropa mamlakatidagi 15dan ortiq shahar va qo‘rg‘onlarida konsert dasturlarini namoyish etdi. O‘ziga xos urf-odatlariga ega o‘zbek xalqining boy madaniy merosini namoyon etgan “Sardoba” folklor-etnografik xalq ansambli fransiyaliklar uchun har biri 80 daqiqa davom etgan 38 ta konsert berishdi. Navoiyliklarning konsertini ko‘rish uchun har kuni 2 ming nafardan 4,5 ming nafargacha tomoshabin yig‘ilgan edi.

Shuningdek, ijodiy safar davomida “Sardoba” folklor-etnografik xalq ansambli Parij shahrida O‘zbekiston Respublikasining Fransiyadagi elchixonasi tashabbusi bilan o‘tkazilgan O‘zbekiston madaniyati kunlarini nishonlash marosimida ishtirok etdi. Ushbu bayram tadbirida 500 nafardan ortiq mehmon va tomoshabinlar uchun o‘zbek milliy taomi – palov tayyorlandi.

Festival yakuniga ko‘ra Navoiy kon-metallurgiya kombinatiga qarashli “Farhod” madaniyat saroyining “Sardoba” folklor-etnografik xalq ansambli “Chin folklor san’ati” nominatsiyasida g‘oliblikni qo‘lga kiritdi. 

NKMK matbuot markazi.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №15 от 09.08.2018 FRANSIYA OSMONIDA JAHON MADANIYATI