Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 26.02.2015 dan №4 nashr ZAVOD SHUHRATI OSHADI

ZAVOD SHUHRATI OSHADI

Shimoliy kon boshqarmasiga qa­rashli 3-gidrometallurgiya zavodi respublikamiz mustaqilligining ilk davrlarida foydalanishga topshirilgan sanoat korxonalaridan biridir. Zavodning ishga tushirilishi Uchquduq mintaqasi ijtimoiy-iqtisodiy hayo­tida yangi istiqbollarni ochib berdi. O‘zbekiston Respublikasi Prezidenti Islom Karimovning bevosita rah­namoligida qurib bitkazilgan bu korxonada ishlab chiqarish man­faat­larini ko‘zlab, yangi texnika va texnologiyalar joriy etilmoqda.

Ahil jamoaning fidokorona mehnati evaziga mahsulot hajmi yil sayin oshib borayapti. Quvonchli yutuqlar muhandis-texnik xodimlarning iqtisodiy ko‘rsatkichlarni yaxshilash yo‘lidagi tinimsiz izlanishlari, yangiliklarni dadil qo‘llanishlari, eng muhimi, kombinat mutaxassislari bilan doi­miy hamkorlikda ishlayotganliklari tufayli qo‘lga kiritilmoqda. Dastlab bu erda Ko‘kpatas va Dovgiztov konlarining oksidli rudasi qayta ishlana boshlandi. Oksidli ruda zaxiralari tugagach, jamoa hayotida konlarning sulfidli rudasini o‘zlashtirish bilan bog‘liq burilish sodir bo‘ldi. 2008 yilda sulfidli rudani qayta ishlashga mo‘ljallangan texnologik liniya ishga tushirildi. Tayyor mahsulot ishlab chiqarishni ko‘paytirish maqsadida keyingi yillarda yangi, «KEMIKS» sorbsion si­anlash majmuasi foydalanishga topshirildi, flotatsiya bo‘linmasi modernizatsiyalashtirildi. Bundan to‘rt yil muqaddam sulfidli rudani qay­ta ishlash majmuasining ikkinchi navbati ishga tushirildi hamda zavod ishlab chiqarish quvvati jihatidan biooksidlash texnologiyasi qo‘llanilgan jahondagi yirik korxonaga aylandi. Texnologik jarayonlarni o‘zgartirish va takomillashtirish yuzasidan amalga oshirilgan ishlarning samarasi o‘laroq, 2011 yilda ikki yil ilgarigiga taqqoslaganda sulfidli rudani qayta ishlash hajmi 27 foizga, tayyor mahsulot hosil qilish 34 foizdan ko‘proqqa oshdi.

O‘tgan yil yakunlari zavod ishchi-xizmatchilari, muhandis-texnik xodim­larining katta imkoniyatlaridan darak berayapti. Barcha kuch va vositalar ishlab chiqarishga safarbar etilayotganligi, mehnat intizomi kuchaytirilayotganligi, yosh, mahalliy kadrlarni tarbiyalashga e’tibor berilayotganligi rejalarning oshi­rib ado etilishiga mustahkam poydevor yaratmoqda. Tarkibida oltin bo‘lgan rudani qayta ishlash 102,5 foizga, metall hosil qilish 101,7 foizga bajarildi. Ishlab chiqarish bilan bir qatorda 10,5 milliard so‘mlik qurilish-montaj ishlari nihoyasiga etkazildi. Davr talabidan kelib chiqib, har bir uchastkada iqtisodiy tejamkorlikka erishish jamoa mehnat ahlining kundalik shioriga aylangan. Shu boisdan 4,5 million so‘mlik kimyoviy reagentlar, tovarlar va energiya resurslari iqtisod qilindi. Ratsionalizatorlik harakatining yaxshi yo‘lga qo‘yilganligi muhandis xodimlarning iqtidorini ro‘yobga chiqarish, ishlab chiqarish unumdorligini oshirish va iqtisodiy samara olishga yo‘naltirilgan ixtirochilik takliflarini ishlab chiqarishga joriy etish imkonini bermoqda. Birgina korxona bosh mexanigi o‘rinbosari Muhiddin G‘ulomovning yagona taklifini qo‘llanish evaziga yiliga 462 million so‘mlik foyda olish mo‘ljallanayapti.

Joriy yilda yigirma yilligi nishonlanadigan zavod ishchi-xizmatchilari va mutaxassislari ayni paytda zafarlarni yanada ko‘paytirish niyati bilan mehnat qilishmoqda. Rudani qayta ishlash va tayyor mahsulot ishlab chiqarish yuzasidan yanvar oyi rejasi ortig‘i bilan uddalandi. Erishilayotgan muvaffaqiyatlarda ja­­moaning faxri hisoblangan bosh muhandis o‘rinbosari Mahmud Ju­maev, bosh texnolog Matkarim Aliqulov, sorbsiya sexi boshlig‘i Baxtiyor Qandaxorov, texnologik ji­hozlarni ta’mirlash uchastkasi boshlig‘i Jabbor Xo‘jaqulov, markaziy kompressor stansiyasi energetigi Eldor Abdullaev, kuydirish sexi katta ustasi Dilshod Ganjiev, biooksidlash sexi apparatchisi Azizjon Razzoqov, yanchish sexi chilangar-sozlovchisi Naurizjon Jorabekov, quyultirish sexi gidrometallurgi Uchqun Ahatov, flotatsiya sexi flotatori Xolboy Namatov, maydalash sexi konveyer mashinisti Baynazar Kuanbaevlarning munosib ulushlari bo‘layapti.

Bugungi kunda sex va uchastkalarda ish yuksak uyushqoqlik bilan tashkil etilgan. SHonli sanani arzigulik sovg‘alar bilan kutib olishga ahd qilgan jamoaning ruhi baland. SHundayekan, zavod shuhrati yanada oshishiga shubha yo‘q.

Nizomiddin SADRIDDINOV.

Учредитель - трудовой коллектив НГМК

Полная или частичная перепечатка материалов из газеты допустима только с письменного разрешения пресс-центра. Редакция знакомится с письмами читателей, не вступая в переписку. Газета распространяется по подразделениям НГМК.

Газета зарегистрирована в Агентстве по печати и информации Навоийского облхокимията 29 июня 2015 года. Регистрационный номер - 07-070, ISSN 2010-5266.

Редакция

Джураев Абдумажид Ирисович
Начальник пресс-центра НГМК - пресс-секретарь генерального директора НГМК..
АДРЕС РЕДАКЦИИ: 210100, г.Навои, улица Навои 27, управление НГМК.
ТЕЛЕФОНЫ: 77-464(редактор), 77-363(техн.редактор), 77-366, 77-464(пресс-центр), 77-566(факс).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 26.02.2015 dan №4 nashr ZAVOD SHUHRATI OSHADI