Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 26.02.2015 dan №4 nashr SHUKRONALIK

SHUKRONALIK

Xalqimiz piru badavlat otaxon va onaxonlar istiqomat qiluvchi xonadonlarni farishtali uy deyi­shadi. Zero, nuroniy keksalarimiz yosh avlodga mehr-oqibatni o‘rgatib, oilalarda totuvlikni mustahkamlashga munosib hissa qo‘shishayotir.

Uy-joy kommunal boshqarmasiga qarashli 5-son yotoqxonaga tashrif buyurdik. Maskan atrofiga ekilgan ko‘m-ko‘k archalar, hudud tozaligi darhol diqqatimizni tortdi. YOtoqxona mudirasi Hakima Boboeva bizni ochiq chehra bilan qarshi oldi va birinchi qavatda joylashgan shinamgina 8- xonaga boshladi. Xonadonni bolalarning sho‘x-shodon ovozi tutgandi. CHunki shu kuni F.Elmonov farzandlari va oila a’zolari davrasida o‘zining 70 yoshini nishonlayotgan ekan.

Asl kasbi traktorchi bo‘lgan Farmon ota Navoiy kon-metallurgiya kombinatiga qarashli 5- kon bosh­qarmasida qariyb 35 yil buldozer mashinisti bo‘lib ishladi.Halol mehnati va ishdagi yutuqlarini hisobga olib otaxonga 2010 yilda shahar markazida joylashgan 5- yotoqxonadan turar-joy ajratishdi.

– Avvallari qishloqda farzandlar, nevaralar bilan yashar edik. 7 farzand, 18 nevara, 3 evaram bor. YUrtimizda qariyalarimizga bo‘lgan e’tibor va g‘amxo‘rlik tufayli men va ayolimga yotoqxona ajratilishi nur ustiga a’lo nur bo‘ldi. Ko‘rib turganingizdek, xonamiz shinam. Aqlimni tanibmanki, ish bilan bandman. Nafaqadaman deb bekor o‘tirmasdan, ko‘chamizni ko‘kalamzorlashtirishga harakat qilayap­man. Bir necha yillardan keyin mahal­ladagilar men ekkan ko‘chatlar mevasini baham ko‘rib, bu daraxtlarni Farmon ota ekkan desa, ko‘nglim tog‘day ko‘tariladi, - deydi F. Elmonov. YAxshi kunni do‘stlar davrasida qarshi olishga nima etsin. Farmon otani tab­riklash uchun kelgan Kibriyo aya Begmatova ham bir necha yillardan buyon shu yotoqxonada istiqomat qiladi. Ayaning har kuni «Bir bor ekan, bir yo‘q ekan», deb boshlaydigan ertak va matallarini yotoqxona bolajonlari jon qulog‘i bilan tinglashadi. Ayniqsa, bolalik yillari, ko‘rgan-kechirganlari, orttirgan hayotiy tajribasi haqidagi maroqli hikoyalari, hikmatli so‘zlari, pand-nasihatlari nafaqat kichkintoylar, balki kattalarni ham e’tiborsiz qoldirmaydi.

– Arzimagan maosh uchun emizikli bolamizni opichlab dalada ishlardik, - deya yoshlik davrini xotirlaydi aya. – U davrda inson mehnati etarli bahosini topmasdi.Ming shukr­ki, dorilomon kunlarni ko‘rish, inson qadri ulug‘langan yurtda e’zoz va ehtiromda yashash nasib etdi.Biz, keksalarga har tomonlama g‘amxo‘rlik va e’tibor ko‘rsatilmoqda. Bayramlarda mahalla faollari, kombinat xodimlari holimizdan xabar olayapti, sovg‘a-salom ulashishayapti. Sanatoriy, profilaktoriyalarda dam olib, sog‘lig‘imizni mustahkamlash imkoniyati yaratilgan. YAqinda men yashayotgan xonani ta’mirlab berishdi. 33 yil 5- kon boshqarmasida xizmatchi bo‘lib ishladim. Baxtim shuki, farzandlarimni uyli-joyli qilib, bugungi kunda rohat-farog‘atda umr kechirayapman, - deydi onaxon.

Hayotidan minnatdorbo‘lib, shuk­ro­nalik bilan yashayotgan, so‘zi hikmat, hayoti ibrat bo‘lgan tabarruk aya so‘zlariga qo‘shimcha qilgan pensioner Toshtemir Ahmedovningyoshi 70 ga yaqinlashib qolgan bo‘lsa hamqarashlari hamon tiyran, ruhi tetik, bardam. Otaxonning haydovchi sifatida 35 yillik mehnat faoliyati 5-kon boshqarmasida o‘tgan. – YUrtboshimiz 2015 yilni Keksalarni e’zozlash yili deb e’lon qilganlarida hayajondan ko‘zimga yosh kelib ketdi. CHunki yarim asr muqaddam bugungi hayotimizni xozirgi darajada tasavvur qila olmasdim. Ming yillik qadriyatlarimiz tufayli biz, qariyalar jamiyatning eng e’tiborli, e’zozli kishilarimiz. Avtobusga chiqsak, darhol joy berishadi, jamoat joylarida izzat-ikrom ko‘rsatishadi. Nafaqalarimiz kechiktirilmay xonadonlarimizga etkaziladi, bemor bo‘lib qolsak, tibbiyot hodimlari kelib xizmat ko‘rsatishadi. Endi aytingchi, bunday tinch, osuda, keksalarini ardoqlaydigan yurt yana qayda bor!, – deya suhbatga ko‘shildi otaxon.

Toshtemir ota yigirma nafarga yaqin nevara-evaralari qurshovida keksalik gashtini surmoqda. U kishi yoshlar bilan suhbatlarida – Qiyin, mushkul degan so‘zlarni yodingizdan chiqaring, shukr qilib, halol mehnat evaziga umr kechirsangiz, kam bo‘lmaysiz. Ko‘nglingizda aslo adovat saqlamang, hasad bilan hali hech kim murodiga etgan emas. Aksincha, havas qilib yashang, shunda Yaratganning o‘zi ziyoda qiladi, – degan so‘zlarni bot-bot takrorlaydilar.

Hayotning baland-pastliklarini ko‘rgan keksa onaxonu otaxonlar bilan suhbatdan bir olam taassurot oldim. Ular bilan xayrlasharkanman, qariyalarimizni e’zozlash, ularning hayotiy tajribalarini o‘rganish naqadar zarur ekanligi haqidagi fikr yana bir bor hayolimdan o‘tdi.

Nafisa VAXIDOVA.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 26.02.2015 dan №4 nashr SHUKRONALIK