Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №5 от 02.03.2017 «TOSH TUSHGAN JOYIDA AZIZ…»

«TOSH TUSHGAN JOYIDA AZIZ…»

«Qiz bola palaxmon toshi», deydi xalqimiz. Taqdiri azal tufayli ba’zan shunday bo‘ladiki, qiz bola bir yurtda tug‘ilib voyaga etadiyu, boshqa yurtda tosh qotib,
palak yozadi. Tushgan joyiga butun borlig‘ini baxsh etadi, mehr-muhabbatini atrofdagi insonlarga ulashadi. Bu uning qalbiga xotirjamlik, hayotidan qoniqish hissini olib keladi. El-yurt e’tirofiga sazovor bo‘lganda esa quvonchdan ko‘ngli to‘lib, ko‘zlariga yosh keladi.
Navoiy kon-metallurgiya kombinatiga qarashli Janubiy kon boshqarmasi ijtimoiy rivojlantirish bo‘limi boshlig‘i Xolida Tosheva ham qo‘shni Qozog‘istonning CHimkent viloyatida tug‘ilib o‘sgan bo‘lsa-da, O‘zbekistonda o‘qidi, turmushga chiqdi, uzoq yillar korxona umumiy ovqatlanish tizimida vijdonan mehnat qildi.
Xolida Tosheva Toshkent davlat politexnika institutini umumiy ovqatlanish texnologiyasi va tashkil qilish  mutaxassisligi bo‘yicha tugatib, mehnat faoliyatini 1981 yilda Janubiy kon boshqarmasining «Baxmal» oshxonasida oshpazlikdan boshladi. Oshxonalarda muhandis usta oshpaz, oshxona mudiri yordamchisi, oshxona mudiri kabi vazifalarda sidqidildan ishlab, sohada etarli tajriba orttirdi. Bir necha yillar «Janub» va «Ketmonchi» konlaridagi ishchilar oshxonalarini boshqardi. Opadagi bilim, tajriba, zamon bilan hamnafas qadam tashlash fazilatlari rahbariyat e’tiboridan chetda qolmadi. Unga «Janub» ovqatlanish kombinati  etakchi muhandisi, bosh texnologi, va nihoyat boshlig‘i vazifalari ishonib topshirildi. Opa har qanday sharoitda o‘ziga ko‘rsatilgan ishonchni oqlashga intildi.
Zahmatli mehnatlarga qori¬shib o‘tgan yillar oliygohda olingan nazariy bilimlarni mustahkamlab, Xolida opani yuqori malakali mutaxassis darajasiga olib chiqdi. Mana uch yildan buyon u kon boshqarmasi ijtimoiy rivojlantirish bo‘limini boshqarib kelmoqda.
– Xolida Yormatovna har bir topshiriqqa mas’uliyat bilan yondashadi va boshlagan ishini oxiriga etkazmaguncha tinib-tinchimaydi. U o‘ziga va qo‘l ostidagilarga nisbatan talabchan. Opa shoshqaloqlikni yomon ko‘radi, muhim masalalar echimida chuqur mulohaza bilan ish yuritadi, - deydi Janubiy kon boshqarmasi direktorining umumiy masalalar va kadrlar bo‘yicha o‘rinbosari Abduhoshim Umarov.
Ha, Xolida opa ko‘plar singari osongina, stolda o‘tirib ish olib bormadi, 36 yillik faoliyati davomida tinim bilmay  mehnat qildi. Turmush o‘rtog‘i Baxtiyor aka bilan ikki nafar farzandni voyaga etkazdi. Umida bilan Zoir onajoniga munosib farzand bo‘lishga harakat qilishadi.
– Tosh tushgan joyida aziz. Men o‘z hayotimdan, taqdirimdan roziman. Taqdir menga yaxshi insonlarni uchratdi. Halol mehnatlarim ortidan qadr-qimmat topdim, - deydi qahramonimiz o‘z hayotidan mamnun bo‘lib.
Xolida opaning gaplaridan ko‘zim yoshlandi. Ma’lum ma’noda, opa bilan taqdirdosh ekanligimdan faxrlanish hissini tuydim...

Salima HOLDOROVA.

Ta'sis etuvchi - NKMK mehnat jamoasi

Gazeta materiallarini to’la yoki qisman qaytadan bosish tahririyatning yozma ruxsati bilan amalga oshiriladi. Tahririyatga kelgan qo’l yozmalar taqriz qilinmaydi va muallifga qaytarilmaydi. Gazeta NKMK bo’linmalari orasida tarqatiladi. 

Gazeta Navoiy viloyat matbuot va axborot boshqarmasida 2006 yil 21 dekabrda 07-025 raqam bilan ro’yxatga olingan.
MUHARRIR

Sadriddinov Nizomiddin Xayriddinovich 

- matbuot markazi boshlig’i.
TAHRIRIYAT MANZILI : 210100, Navoiy shahri, Navoiy ko’chasi 27, NKMK boshqarmasi. 
TELEFONLAR: : 77-464 (muharrir), 77-363 (texn. muharrir), 77-366, 77-464 (matbuot markazi), 77-566 (faks).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №5 от 02.03.2017 «TOSH TUSHGAN JOYIDA AZIZ…»