Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №5 от 08.03.2018 Shonli sanaga bag‘ishlab

Shonli sanaga bag‘ishlab

Navoiy kon-metallurgiya kombinati ma’muriyati va kasaba uyushmasi Kengashi rayosatining 2017 yil 25 oktyabrdagi «NKMKning 60 yilligini keng nishonlashga tayyorgarlik ko‘rish to‘g‘risida»gi qarori asosida Toshkentdagi «Kinoprom» kinokompaniyasi tomonidan 25 daqiqalik  hujjatli filmni suratga olish ishlari boshlandi.

Ijodiy guruh joriy yilning 20-24 fevral kunlari kombinatning Markaziy, SHimoliy, Janubiy kon boshqarmalari va «Navoiy 

mashinasozlik zavodi» ishlab chiqarish birlashmasida ishlab chiqarish jarayonini tasvirga tushirish, mehnat faxriylari hamda yosh mutaxassislardan intervyular yozib olish ishlarini amalga oshirishdi. Ayniqsa, Qo‘shrabot tumanining «Zarkent» qo‘rg‘oni umumiy ko‘rinishi, «Zarmitan», «G‘ujumsoy» oltin konlarida mehnat qilayotgan yosh mutaxassislar bilan suhbat, shaxta usulida er ostida amalga oshirilayotgan ishlab chiqarish jarayoni katta qiziqish bilan tasvirga olindi.

Film rejissyori Andrey Afrinning ta’kidlashicha, bu loyiha bugungi kungacha suratga olingan barcha hujjatli filmlaridan ham yuksak mahorat bilan amalga oshiriladi. Boisi, O‘zbekistonning oltin sandig‘i hisoblanmish Qizilqum sahrosi, mamlakatimiz sanoati lokomotivi hisoblangan Navoiy kon-metallurgiya kombinatining bir necha yirik korxonalari borligini ko‘rib har qanday kishi hayratga tushadi. «SHubhasiz, O‘zbekiston kino sanoatiga munosib hissa qo‘shayotgan kompaniyamizning ushbu loyihasi Navoiy kon-metallurgiya kombinati tashkil topganligining 60 yilligiga munosib sovg‘a bo‘lishiga ishonamiz», - deydi u.

Hujjatli film Toshkent, Navoiy, Zarafshon, Uchquduq, Nurobod va boshqa shaharlarda suratga olinadi. SHuningdek, filmda noyob kino va fotohujjatlar, arxiv kadrlari, shaxsiy arxiv materiallari va muzey artefaktlaridan foydalaniladi. Ayrim ishlab chiqarish ob’ektlarida dronkamera orqali aerotasvirga olish ishlari amalga oshiriladi. Kombinat rivojlanish bosqichlari va ishlab chiqarishda investitsiyalarning ulushi 3-D formatdagi grafikalarda tasvirlanadi.

Filmda kombinat taqdirini o‘z taqdiri bilan bog‘lagan O‘zbekiston Qahramonlari, mashhur konchilar, metallurglar, shaxtyorlar, olimlar, yoshlar, kombinat bo‘linmalari joylashgan hududlarda istiqomat qilayotgan oddiy odamlar bilan suhbatlar uyushtiriladi.

«Kinoprom» kinokompaniyasi ijodiy jamoasining navbatdagi tasvirga olish ishlari joriy yilning may oyida, O‘zbekiston Respublikasi konchilik va metallurgiya sanoati xodimlari kasb bayrami arafasida uyushtiriladi.

Azamat ZARIPOV.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №5 от 08.03.2018 Shonli sanaga bag‘ishlab