Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 09.04.2015 dan №7 nashr UCHQUDUQNING FAXRISAN, IRODA!

UCHQUDUQNING FAXRISAN, IRODA!

Dono xalqimiz «Xushxabarning qanoti bor» deydi. Bu hikmat naqadar haq gap. Uchquduq konchilik kasb-xunar kolleji o'quvchisi, SHimoliy kon boshqarmasi 1-Birlashgan kasaba uyushma qo'mitasiga qarashli «Lochin» sport-sog'lomlashtirish majmuasi dzyudo to'garagi qatnashchisi Iroda Jumanovaning Zulfiya nomidagi Davlat mukofotiga sazovor bo'lganligi haqidagi xabar bir zumda butun diyorimiz bo'ylab, jumladan, asriy Qizilqum kengliklari aro ham tarqaldi.

O'sha kezlarda yosh, iqtidorli sportchiga tinimsiz telefon qo'ng'iroqlari bo'ldi. U hali poytaxtdaligidayoq Vatanimizning shunday yuksak unvonini qo'lga kiritganligi munosabati bilan ko'plab ustozlari, qarindoshlari, hamshaharlari, do'stlarining samimiy qutlovlarini qabul qildi. Bu xushxabardan, ayniqsa, otasi, Navoiy kon-metallurgiya kombinati «Qimmatbaho metallar va uran geologiyasi» ilmiy ishlab chiqarish markazi Ko'kpatas geologiya-qidiruv ekspeditsiyasi etakchi hisobchisi SHokirjon Jumanov o'zini ettinchi osmonda his qilardi. Har qanday oilaviy murakkabliklarga qaramasdan qizining sport bilan doimiy ravishda shug'ullanishi, iqtidorini to'laroq namoyon etishi uchun shart-sharoitlarni yaratib berish yo'lidagi sa'y-harakatlari, chekkan zahmatlari zoe ketmaganligidan quvonar, ammo Irodaning shunday baxtli kunlarini ko'rish nasib etmagan rafiqasi Gulnora Jumanovani eslab qalbini g'am-anduh, o'kinch egallardi. Afsuski, hayotning bizning xohish-istaklarimizga bo'ysunmaydigan qonunlari bor. Nima bo'lganda ham Iroda marhum onasining orzularini ro'yobga chiqarayotganligidan SHokirjonning ko'ngli biroz taskin topgandek bo'ladi.

Mamlakatimizda Prezidentimiz I.Karimovning bevosita rahnamoligida bolalar sportini rivojlantirishga alohida e'tibor berilmoqda. Buning quvonchli samarasi o'laroq o'g'il-qizlarimiz jismonan sog'lom, ma'nan barkamol, vatanparvar insonlar bo'lib kamolga etayaptilar. Nurota tumanining olis Jarma qishlog'ida tug'ilib o'sgan, Ko'kpatas qo'rg'onidagi 13-, yuqori sinf­larda esa Uchquduq shahridagi 18-maktabda tahsil olgan, endigina o'n ettinchi bahorini qarshilayotgan I.Jumanova erishayotgan yutuqlar buning yorqin namunasidir. Irodada sportning kurash turiga qiziqish juda erta uyg'ondi. Otasi SH.Jumanov qizining kelajagini o'ylab, yana ham aniqroq aytadigan bo'lsak, kurash bilan jiddiy shug'ullanishi va sportning bu turi sir-asrorlarini puxta egallashini ko'zlab, uning o'qishini shahar maktabiga ko'chirdi. I.Jumanova 2012 yilning noyabr oyidan e'tiboran «Lochin» sport-sog'lomlashtirish majmuasida tajribali murabbiylar Olim Qo'ldoshev va Alisher SHodmonovlar rahbarligida dzyudo to'garagi mashg'ulotlarida muntazam ishtirok etib kelmoqda. O'tgan qisqa davra yosh sportchi ustozlari maslahatlariga og'ishmay amal qilishi, ko'rsatmalarini sidqidildan bajarishi, maqsad sari qat'iy intilishi, mehnatsevarligi, tirishqoqligi tufayli respublika, xalqaro miqyosdagi musobaqalarda g'olib va sovrindorlar safidan o'rin oldi. Sportda oson yo'l bo'lmaydi. Tinimsiz mashg'ulotlar va mashaqqatlardan cho'chimaslik, o'z ustida qunt bilan ishlashgina kishini shohsupaga ko'taradi. G'alaba nashidasini, betakror hayajonli va baxtli onlarni hadya etadi. Iroda ilk kunlardanoq buni yaxshi anglab etdi hamda ana shu aqidalarga amal qilib, g'oliblik pillapoyalaridan dadil odimlamoqda. U 2013 yil CHirchiq shahrida 1998-1999 yillarda tug'ilgan o'smirlar va qizlar o'rtasida dzyudo, Buxoro viloyatining Qorako'l tumanida milliy kurash bo'yicha o'tkazilgan O'zbekiston Respublikasi chempionatlarida g'olib bo'ldi. 2014 yilning noyabr oyida CHirchiq Olimpiya zaxiralari kollejida Uchqun Murodov xotirasiga bag'ishlab o'tkazilgan xalqaro turnir Iroda uchun omadli keldi. AQSH, Rossiya, Qozog'iston, Qirg'iziston, Tojikistondan kelgan ikki yuz nafarga yaqin dzyudochilarga musobaqadagi g'oliblik 2018 yilda Argentina poytaxti -Buenos-Ayres shahrida yoshlar o'rtasida o'tkaziladigan Olimpiada o'yinlariga yo'llanma uchun ma'lum miqdordagi reyting ballarini berishi turnirning ahamiyatini yanada oshirgandi. Har bir bellashuv qizg'in sport kurashi, his-hayajonga boy tarzda o'tgan bu xalqaro turnirda I.Jumanova 63 kilogramm vazn toifasida tengsiz ekanligini isbotlab, shohsupaning eng yuqori pog'onasiga ko'tarildi. Bu g'alaba unga qanot bo'ldi, ruh bag'ishladi, o'ziga bo'lgan ishonchini oshirdi. Iroda 2014 yil Toshkent shahridagi JAR sport majmuasida o'smirlar va qizlar o'rtasida sambo bo'yicha o'tkazilgan O'zbekiston chempionatida muvaffaqiyatli qatnashib, ikkinchi o'rinni qo'lga kiritdi. 2015 yilning yanvar oyida esa poytaxtda O'zbekistonda xizmat ko'rsatgan trener Nikolay Qo'ldoshev xotirasiga bag'ishlab o'tkazilgan xalqaro turnirda kumush medal sohibi bo'ldi. I.Jumanova ayni paytda milliy kurash bo'yicha sport ustasi, dzyudo bo'yicha sport ustaligiga nomzod hamda O'zbekiston yoshlar terma jamoasi a'zosidir. U Uchquduq konchilik kasb-xunar kollejining foydali qazilmalarni boyi­tish yo'nalishi ikkinchi bosqichi o'quvchisi sifatida darslarni yaxshi o'zlashtirishi, jamoat ishlaridagi faolligi va a'lo xulqi bilan tengdoshlari hamda hunar maskani pedagogik jamoasining hurmatini qozonmoqda.

I.Jumanova sport sohasidagi yutuqlari tufayli Zulfiya nomidagi O'zbekiston Respublikasi Davlat mukofoti laureati bo'ldi. U katta hayot ostonasida turibdi, oldinda uni yangi g'alabalar, nurli dovonlar kutmoqda. 2015 yilning 6 mart kuni azim poytaxtimizning muhtasham «Turkiston» saroyida bo'lib o'tgan tantanali yig'ilish taassurotlari, unda O'zbekiston Respublikasi Bosh vazirining o'rinbosari, Respub­lika Xotin-qizlar qo'mitasi raisi E.Bositxonova qo'lidan Zulfiya nomidagi Davlat mukofoti laureati diplomi hamda ko'krak nishonini qabul qilib olgan nihoyatda hayajonli daqiqalar Irodaning xotirasidan aslo o'chmaydi. CHunki bunday baxt har kimga ham nasib qilavermaydi. Zotan, iste'dodli shoirimiz G'afur G'ulom «Taqdirni qo'l bilan yaratur inson, G'oyibdan kelajak baxt - bir afsona» degan satrlarni bejizga bitmagan. Suhbatda I.Jumanova yoshlarga har tomonlama g'amxo'rlik ko'rsatilayotgan ozod va obod, serquyosh yurtda tug'ilganidan baxtiyorligini, kelgusida sportdagi muvaffaqiyatlari evaziga qo'lga kiritiladigan medallari shodasini ko'paytirish, kollejni tugatgach, O'zbekiston Respublikasi Ichki ishlar vazirligi akademiyasiga o'qishga kirib, tergovchi bo'lish orzusi borligini aytdi. Biz esa uchquduqliklar faxriga aylangan bu qizga «Niyating hamisha yo'ldoshing bo'lsin, Iroda!»,-deymiz.

Nizomiddin SADRIDDINOV.

Учредитель - трудовой коллектив НГМК

Полная или частичная перепечатка материалов из газеты допустима только с письменного разрешения пресс-центра. Редакция знакомится с письмами читателей, не вступая в переписку. Газета распространяется по подразделениям НГМК.

Газета зарегистрирована в Агентстве по печати и информации Навоийского облхокимията 29 июня 2015 года. Регистрационный номер - 07-070, ISSN 2010-5266.

Редакция

Джураев Абдумажид Ирисович
Начальник пресс-центра НГМК - пресс-секретарь генерального директора НГМК..
АДРЕС РЕДАКЦИИ: 210100, г.Навои, улица Навои 27, управление НГМК.
ТЕЛЕФОНЫ: 77-464(редактор), 77-363(техн.редактор), 77-366, 77-464(пресс-центр), 77-566(факс).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 09.04.2015 dan №7 nashr UCHQUDUQNING FAXRISAN, IRODA!