Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 23.04.2015 dan №8 nashr MAHALLIYLASHTIRISH – USTUVOR VAZIFA

MAHALLIYLASHTIRISH – USTUVOR VAZIFA

Mahalliy xom ashyodan sifatli va eksportbob mahsulotlar ishlab chiqarishni yo'lga qo'yish bilan ichki va tashqi bozorda o'z o'rniga ega bo'lish bugungi kunning ustuvor vazifalaridandir.

Prezidentimizning 2014 yil 4 fevraldagi «2014-2016 yillarda sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirishni yanada chuqurlashtirish chora-tadbirlari to'g'risida»gi qaroriga asosan «Navoiy mashinasozlik zavodi» ishlab chiqarish birlashmasida qator ishlar amalga oshirilayotir. Ishlab chiqarish quvvatlaridan samarali foydalanish hisobidan mahsulot chiqarish hajmi yildan-yilga o'smoqda. Birlashmada 3,5 ming nafardan ortiq ishchi va muhandislar hamjihatlikda mehnat qilishadi. «NMZ» yorlig'i ostida tayyorlanayotgan metall va yog'ochga ishlov beruvchi dastgohlarga respublika miqyosidagi yirik ishlab chiqarish korxonalarida ham ehtiyoj bor.


- Mutaxassislarimiz mahalliylash­tirish dasturi doirasida ko'plab loyihalarga qo'l urishayapti. Erishayotgan natijalarimiz quvonchli. 2014 yilda 15 milliard 730 million so'mlik 15 turdagi ehtiyot qismlar ishlab chiqarildi va asbob-uskunalarni ta'mirlash bo'yicha xizmatlar ko'rsatildi. Yillik reja 100,4 foizga uddalandi. Joriy yilda dastur doirasida mahsulotlar turlarini 31 taga etkazish va 23 milliard 236,6 million so'mlik ish bajarish mo'ljallangan, - deydi bozor tovarlari kon'yunkturasi bo'limi iqtisodchisi Bekpo'lat Ro'ziev.

Birlashmada tayyorlanayotgan stanok, turli detallar, ayniqsa, rolik, kovsh, suv nasoslariga talab katta. Bunday mahsulotlarni ishlab chiqarish jarayoni ko'p bosqichli bo'lib, mutaxassisdan alohida diqqat-e'tiborni talab etadi. Ayrim butlovchi qismlarni tayyorlashga ikki-uch soatdan tortib haftalab, tegirmonlarga tishli venetslarni tayyorlash uchun oylab vaqt sarflanadi. 8 metrli 40-45 tonnalik bu ulkan asbob gidrometallurgiya zavodlarida uzluksiz 5 yilgacha ishlatiladi. Dasturga kiritilgan yana bir mahsulot-paxta yog'i olish stanogiga talab oshib bormoqda. YAnvar oyi­da bitta dastgoh «Surxon oziq-ovqat» ochiq aksionerlik jamiyatiga jo'natilgan bo'lsa, yil oxirigacha yana beshtasini egalariga etkazib berish rejalashtirilgan. Plastmassadan tayyorlanadigan asbob-uskunalar, keng assortimentdagi sport anjomlari ham xaridorgir. Bunday mahsulotlar uchun zarur xomashyo «Sho'rtanneftgaz» unitar sho''ba korxonasidan olinmoqda.

Import o'rnini bosadigan asosiy mahsulotlar birlashmaning 1,2-dastgohsozlik, detalsozlik va quyuv sexlarida ishlab chiqariladi. Zamonaviy dastgohlarni ko'p yillik tajribaga ega mutaxassislar bilan bir qatorda institut va kollejlarni yaqinda tugatgan yosh yigit-qizlar boshqarishmoqda.

Dastur doirasida eng ko'p butlovchi qismlar tayyorlanadigan detalsozlik sexi jamoasi nafaqat ishlab chiqarish, balki sexni toza saqlash, texnika xavfsizligi, sport sohalarida ham peshqadam. Sex binosining to'rida katta harflar bilan yozilgan «Zavodda mehnat unumdorligining yuksalishi shu erdan boshlanadi» shiori ishchilarni yangi marralarga ruhlantirayapti. «Zamonaviy texnologiyalarning joriy etilishi natijasida keyingi besh yilda 35 ta yangi ish o'rni yaratildi. Yosh kadrlar ustozlari yordamida HAAS stanok­larida malakalarini oshirmoqdalar», - deydi sex boshlig'i Vladimir Mastyugin.

Birlashmada mahalliylashtirish hisobidan mahsulot ishlab chiqarishni ko'paytirish uchun quvvatlar, xom ashyo resurslari, asosiysi, mutaxassis kadrlar etarli. Ichki va tashqi bozorda bunday mahsulotlarga ehtiyojning borligi esa sohani yanada rivojlantirish imkonini beradi.

Dilafro'z BEKNAZAROVA.

Учредитель - трудовой коллектив НГМК

Полная или частичная перепечатка материалов из газеты допустима только с письменного разрешения пресс-центра. Редакция знакомится с письмами читателей, не вступая в переписку. Газета распространяется по подразделениям НГМК.

Газета зарегистрирована в Агентстве по печати и информации Навоийского облхокимията 29 июня 2015 года. Регистрационный номер - 07-070, ISSN 2010-5266.

Редакция

Джураев Абдумажид Ирисович
Начальник пресс-центра НГМК - пресс-секретарь генерального директора НГМК..
АДРЕС РЕДАКЦИИ: 210100, г.Навои, улица Навои 27, управление НГМК.
ТЕЛЕФОНЫ: 77-464(редактор), 77-363(техн.редактор), 77-366, 77-464(пресс-центр), 77-566(факс).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 23.04.2015 dan №8 nashr MAHALLIYLASHTIRISH – USTUVOR VAZIFA