Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №8 от 28.04.2016 BOG‘LARIDA BAHOR GULLAGAN MASKAN

BOG‘LARIDA BAHOR GULLAGAN MASKAN

Bu dargohga qadam qo‘yishingiz bilan atrofdagi tozalik, orastalik va go‘zal manzaradan ko‘zingiz quvnab, qalbingiz yayragandan yayrab ketadi. Insonning aql-idroki, mohir qo‘llari nimalarga qodirligidan hayratlanasiz. Beihtiyor shoirning quyidagi go‘zal satrlari tilingizda aylanadi:

Musavvir bo‘lsaydim,

hammasin bir-bir,

Rang-barang bo‘yoqda

etardim tasvir...

Dilbar va dilkash ayollar, ra’no va zebo qizoyimlar mehnat qiladigan ushbu maskan Janubiy kon boshqarmasi tasarrufidagi Maxsus kiyimlar tikish sexidir. Ushbu mo‘‘jazgina bo‘linma 2009 yilda tashkil topgan bo‘lib, yuzlab nurobodlik ayollarni ish bilan ta’minladi. Dastlabki kunlardan boshlab mehnat jamoaga tadbirkor ayol, tajribali rahbar Elena Lvovna Izmesteva rahbarlik qilib kelmoqda.

Maxsus kiyimlar tikish sexida NKMK bo‘limlari uchun ish kostyumlari, ichdan kiyiladigan kiyimlar, barcha turdagi qo‘lqoplar, choyshablar va fartuklar ishlab chiqariladi. Ahil jamoa korxona tashkil topgandan beri ishlab chiqarish topshiriqlarini mudda¬tidan oldin bajarib  kelmoqda. Bo‘linma texnologlari mahsulotlar turini kengaytirish, yangi modellar ishlab chiqish bo‘yicha doimo izlanishlar olib boradilar. Bugungi kunda bu erda 70 dan ortiq nomdagi mahsutlar tayyorlanadi. 2012 yilda xalq iste’moli mollari ishlab chiqarish va qiyqimlarni qayta ishlash maqsadida «Eksklyuziv» uchastkasi ish boshladi. Mazkur uchastkada laxtak va qoldiqlardan nozik did bilan tikilgan sovg‘a va ro‘zg‘or buyumlari, madaniyat uylari uchun tikilgan sahna kostyumlarini ko‘rib hayron qolasiz. O‘z mahsulotlarini 2013 yilda «Asrlar sadosi» festivalida namoyish qilgan «Eksklyuziv»chilar chet ellik mehmonlarni ham lol qoldirishdi.

Mehnat jamoa 2015 yilda maxsus kiyimlar tikish bo‘yicha rejani 10 dekabrda bajarib peshqadamlik qildi. 2016 yilning birinchi choragida esa reja 113,2 foizga ortig‘i bilan uddalandi. O‘tgan yili mehnat samaradorligini oshirish va mahsulot tannarxini pasaytirish maqsadida bichish uchastkasi uchun yangi bino qurib foydalanishga top¬shirildi. 

Bo‘linmada faoliyat yuritadigan Xotin-qizlar kengashiga hisobchi Rohila Toshbaevna, «Kamolot» YOIH ga Shaxodat Abdujalilova etakchilik qilib kelmoqdalar. 2016 yil «Sog‘lom ona va bola» yili davlat dasturi doirasida kam ta’minlangan oilalarga moddiy yordam ko‘rsatish maqsadida xonadonlarga tashrif buyurish, shifokorlar bilan uchrashuvlar tashkil qilish, yosh oila bekalariga ruhiy ko‘mak berish kabi hayrli ishlar amalga oshirilmoqda. Bo‘linmadagi eng baxtli ayol, sakkiz farzandning onasi Dilmanova Gulzodaga hamkasblari har tomonlama ko‘mak berib kelishmoqda. Bu oiladagi uchta egizak qizaloqlar mehnat jamoaning erkatoylari, ular hech qaysi bayramda e’tiborsiz qolmaydilar.

Bo‘linma rahbari nozik ta’b va boy fantaziya sohibasi Elena Leonidovna sex hududini obodonlashtirish, ko‘kalamzorlashtirish ishlariga alohida e’tibor qaratadi. Ishchi-xodimlarning va tashrif buyurgan mehmonlarning dillariga zavq ulashish maqsadida bino atrofidagi so‘lim hovli burchaklarida ajoyib gulzorlar yaratish uchun sex xududi  uchastkalarga bo‘lib berilgan. Yozda uchastkalar aro «Eng chiroyli gulzor» tanlovi o‘tkaziladi. Chevarlar tanlovda g‘oliblikni qo‘lga kiritish uchun o‘z mahoratlarini ishga solib, go‘zallik yaratish ishtiyoqida zavq-shavq bilan ijod qilishmoqda.

Salima XOLDOROVA.

Foto V.Goncharenko olgan suratlar.

 

Учредитель - трудовой коллектив НГМК

Полная или частичная перепечатка материалов из газеты допустима только с письменного разрешения пресс-центра. Редакция знакомится с письмами читателей, не вступая в переписку. Газета распространяется по подразделениям НГМК.

Газета зарегистрирована в Агентстве по печати и информации Навоийского облхокимията 29 июня 2015 года. Регистрационный номер - 07-070, ISSN 2010-5266.

Редакция

Джураев Абдумажид Ирисович
Начальник пресс-центра НГМК - пресс-секретарь генерального директора НГМК..
АДРЕС РЕДАКЦИИ: 210100, г.Навои, улица Навои 27, управление НГМК.
ТЕЛЕФОНЫ: 77-464(редактор), 77-363(техн.редактор), 77-366, 77-464(пресс-центр), 77-566(факс).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №8 от 28.04.2016 BOG‘LARIDA BAHOR GULLAGAN MASKAN