• Yaratildi: 08.09.2022
• Yangilandi: 08.09.2022
• O'qildi: 1867

Prezident maslahatchisi o‘rinbosari kombinatdagi innovatsion loyihalar bilan tanishdi

2022-2026-yillarda O‘zbekiston Respublikasining innovatsion rivojlanish strategiyasi doirasida amalga oshirilayotgan loyihalar bilan yaqindan tanishish maqsadida, Prezident maslahatchisi o‘rinbosari Galina Saidova boshchiligidagi ishchi guruh 6-7-sentabr kunlari Navoiy viloyatida joylashgan sanoat korxonalarida bo‘ldi. 

Shu jumladan, mazkur ishchi guruh “Navoiy kon-metallurgiya kombinati” aksiyadorlik jamiyatining “Pistali” koni negizida barpo etilayotgan oltin tarkibli maʼdanlarni qazib olish va qayta ishlash majmuasi – 6-gidrometallurgiya zavodi hamda Navoiy mashinasozlik zavodida joriy etilayotgan ilg‘or texnologiyalar va innovatsion ishlanmalar bilan yaqindan tanishdi. 

Shuningdek, ishchi guruh Navoiy viloyatidagi bir qator yirik sanoat va mahalliy ishlab chiqaruvchi korxonalarda ham bo‘ldi.

“NKMK” AJ Matbuot xizmati.