• Yaratildi: 28.12.2022
• Yangilandi: 28.12.2022
• O'qildi: 612

Kombinat vakillari - respublika tanlovlari g‘oliblari

Joriy yilning 26-dekabr kuni Toshkent shahrida O‘zbekiston Respublikasi Oila va xotin-qizlar davlat qo‘mitasi tomonidan “Eng namunali xotin-qizlar boshlang‘ich tashkiloti” va “Yil ayoli” ko‘rik-tanlovlarning yakuniy respublika bosqichlari g‘oliblarini taqdirlash marosimi o‘tkazildi.

Quvonarlisi shundaki, “NKMK”AJ Markaziy kon boshqarmasi Ayollar kengashi raisi Saodat Boboyorova “Eng namunali xotin-qizlar boshlang‘ich tashkiloti” tanlovida “Eng namunali korxona boshlang‘ich tashkiloti” nominatsiyasi g‘olibi bo‘ldi. Shuningdek, “NKMK”AJ Shimoliy kon boshqarmasi 3-gidrometallurgiya zavodi sex ustasi Guljamila Turg‘unbayeva “Yil ayoli” tanlovida “O‘z kasbining ustasi bo‘lgan yil ayoli” nominatsiyasi g‘olibi bo‘ldi.

Saodat Boboyorova va Guljamila Turg‘unbayevalarni ushbu yutuqlart bilan samimiy muborakbod etamiz va kelgusidagi ishlariga muvaffaqiyatlar tilaymiz!

“NKMK” AJ matbuot xizmati.