• Yaratildi: 29.12.2022
• Yangilandi: 29.12.2022
• O'qildi: 3484

2022-yilning muhim voqealari: noyabr oyi

#yakunlanayotgan_yil_xronikasi  

 

✅ Toshkent shahrida 2-4-noyabr kunlari o‘tkazilgan 16-Xalqaro "Tog‘-kon ishi, metallurgiya va metallsozlik – MiningMetals Uzbekistan 2022" ko‘rgazmasi doirasida 4-O‘zbekiston xalqaro kon-metallurgiya forumi (UIMF 2022) bo‘lib o‘tdi. Mazkur forumda ilk marotaba "NKMK" AJ vakillari ishtirokida maxsus sessiya taqdim etildi.

 

✅ 3-4-noyabr kunlari Samarqand shahrida Xalqaro darajadagi yetakchi iqtisodchilar va xalqaro ekspertlarni jamlagan II O‘zbekiston iqtisodiy forumi o'tkazildi. Ushbu Forumda ishbilarmon doiralar va xorijiy hamkorlar, xalqaro banklar bilan mustahkam aloqalar o‘rnatish uchun “NKMK” AJ rahbariyati tomonidan bir qator uchrashuvlar o‘tkazildi.

 

✅ 19-23-noyabr kunlari Jizzax viloyat Zomin tumanidagi “NKMK” sanatoriysida “NKMK” AJ O‘zbekiston Jurnalistlari uyushmasi bilan hamkorlikda “Milliy jurnalistika: anʼanalar davomiyligi va zamonaviylik” mavzusidagi II mediaforumi o‘tkazildi. Mediaforum doirasida OAV vakillari uchun “NKMK” AJ Janubiy kon boshqarmasi “Zarmitan” koniga press-tur tashkil etildi.

 

✅ 14-18-noyabr kunlari Toshkent shahrida Respublika tarmoqlararo sanoat yarmarkasi o‘tkazildi. “NKMK” AJ yarmarka doirasida eng ko‘p shartnoma tuzgan tarmoq korxonasi deb eʼtirof etildi.

 

✅ 28-noyabr kuni Buyuk Britaniyaning poytaxti London shahrida “Markaziy Osiyo, Mo‘g‘uliston va Yevropada barqaror qazib olish” mavzusida "MINEX Eurasia" 10-anjumani bo‘lib o‘tdi. Anjumanda "NKMK" AJ bosh direktorining transformatsiya bo‘yicha birinchi o‘rinbosari, boshqaruv a’zosi Yevgeniy Antonov va "NKMK" AJ Resurslar bo‘yicha direktori Lyubov Yegorovalar taqdimotlari bilan ishtirok etdi.

 

✅ 29-noyabr - 1-dekabr kunlari London shahrida konchilik sanoatiga investitsiyalar va kapitalni jalb qilish bo‘yicha "Mines and Money" nomli Yevropaning eng yirik tadbiri o‘tkazildi. Tadbirda O‘zbekistonning yetakchi sanoat korxonalari, jumladan, “NKMK” AJ vakillari ishtirok etdi.

“NKMK” AJ matbuot xizmati.