• Yaratildi: 15.02.2023
• Yangilandi: 15.02.2023
• O'qildi: 1626

Kombinat ichki idoraviy hujjatlari mazmun-mohiyati tushuntirildi

Navoiy mashinasozlik zavodida kombinat ishchi-xodimlariga korrupsiyaga qarshi kurashish bo‘yicha qabul qilingan normativ-huquqiy hujjatlar mazmun-mohiyatini tushuntirishga bag‘ishlangan o‘quv seminar o‘tkazildi.

O‘quv seminarda “NKMK” AJ Komplayens xizmati xodimlari, Navoiy ixtisoslashtirilgan prokuraturasi xodimi, Monopoliyaga qarshi kurashish boshqarmasi vakillari va zavod ishchi-xodimlari ishtirok etdilar.  

Tadbirda Komplayens xizmati xodimlari tomonidan “NKMK” AJ Korrupsiyaga qarshi kurashish siyosati, odob-axloq qoidalari va boshqa ichki meʼyoriy-huquqiy hujjatlar hamda sohada olib borilayotgan ishlar haqida keng tushuntirish berib o‘tildi.

Shuningdek, Navoiy ixtisoslashtirilgan prokuraturasi xodimi tomonidan O‘zbekiston Respublikasining “Korrupsiyaga qarshi kurashish to‘g‘risida”gi Qonuni hamda korrupsiyaga qarshi kurashish sohasidagi boshqa meʼyoriy-huquqiy hujjatlar haqida tushuntirish berildi. Monopoliyaga qarshi kurashish boshqarmasi xodimi tomonidan Monopoliyaga qarshi komplayens tizimi va raqobat to‘g‘risidagi qonunchilik hujjatlari bo‘yicha gapirildi.

Bunday o‘quv seminardan ko‘zlangan asosiy maqsad korrupsiyaga qarshi kurashish yo‘nalishida kombinat xodimlarining huquqiy savodxonligi va bilimlarini oshirishdan iboratdir.

“NKMK” AJ Matbuot xizmati.