• Yaratildi: 21.02.2023
• Yangilandi: 21.02.2023
• O'qildi: 2935

IT kompaniyalar delegatsiyasi kombinatga tashrif buyurdi

20-21-fevral kunlari Fransiyaning “Dassault Systemes” kompaniyasi va ularning O‘zbekiston Respublikasidagi hamkori bo‘lgan “Smartgeo” kompaniyasi hamda “NVBS-Tech” va “UCELL” kompaniyalarining delegatsiyasi “Navoiy kon-metallurgiya kombinati” aksiyadorlik jamiyatiga tashrif buyurdi.

“NKMK” AJ boshqarmasida kombinat mutaxassislari va delegatsiya vakillari o‘rtasida uchrashuv bo‘lib o‘tdi. Uchrashuvda tomonlar raqamli transformatsiya bo‘yicha hamkorlik imkoniyatlarini muhokama qildilar. Kompaniyalar vakillari tog‘-kon sanoati uchun zamonaviy telekommunikatsiyalar, axborot-dasturiy yechimlar va xizmatlar haqida ham so‘z yuritdilar. 

Bugungi kunda ishlab chiqarishga zamonaviy IT texnologiyalarni joriy etish, avtomatlashtirish jarayonlarining uzluksizligi va barqarorligini taʼminlash kombinat raqamli transformatsiyasining ajralmas qismidir.

“NKMK” AJ Matbuot xizmati.