• Yaratildi: 01.12.2020
• Yangilandi: 25.12.2020
• O'qildi: 872

Dolzarb mavzuda seminar

NKMK Navoiy sanoat maydoni bo‘linmalari Xotin-qizlar qo‘mitalari boshlang‘ich tashkilotlari raislari ishtirokida O‘zbekiston Respublikasi Prezidentining 2020 yil 30 oktyabrdagi “Sog‘lom turmush tarzini keng tatbiq etish va ommaviy sportni yana-da rivojlantirish chora-tadbirlari to‘g‘risida”gi Farmonining mazmun-mohiyatiga bag‘ishlab “Sog‘lom ayol – buyuk kelajak” mavzusida seminar tashkil etildi. 

  

NKMK Oila va xotin-qizlarni qo‘llab-quvvatlash Kengashi raisi Sabohat Nazarova hukumatimiz tomonidan tasdiqlangan chora-tadbirlar dasturlariga ko‘ra, 2021 yil 1 iyunga qadar yurish, yugurish, mini futbol, velosport, badminton kabi sport turlarini, paralimpiya harakatini rivojlantirish, jismoniy imkoniyati cheklangan va nogironligi bor shaxslar, xotin-qizlar o‘rtasida sportni ommalashtirish, ularni jismoniy tarbiya va sport bilan doimiy shug‘ullanishiga jalb etish masalalariga eʼtibor qaratdi. Kombinat Tibbiy-sanitariya bo‘limi shifokori Muyassar Kamolova “To‘g‘ri ovqatlanish – salomatlikning muhim omili”, “So‘g‘diyona” jismoniy tarbiya va sport klubi xodimi, sport ustasi Marina Gumirova “Jismoniy mashqlar va sport bilan shug‘ullanishning fiziologik xarakteristkasi” mavzularida ishtirokchilarga tushuntirishlar berdilar. NKMK Kasaba uyushma Kengashi raisi o‘rinbosari M.Nurimova, “Farhod” madaniyat saroyi xotin-qizlar yetakchisi N.Hamidova, muzey mudiri S.Xoldorovalar mavzu yuzasidan o‘zlarining fikr-mulohazalarini bildirdilar.

Yakunda kombinatda faoliyat yuritayotgan  xotin-qizlar o‘rtasida sog‘lom turmush tarzini hayotga keng tatbiq etish va ommaviy sportni yana-da rivojlantirish istiqbollari belgilab olindi.

NKMK Matbuot markazi.