• Yaratildi: 06.03.2023
• Yangilandi: 06.03.2023
• : 1454

NKMK vakillari Kanadada nufuzli anjumanda ishtirok etmoqdalar  

5-mart kuni Kanadaning Toronto shahrida konchilik sanoati, shu jumladan foydali qazilmalarni qidirish va qazib olish bo‘yicha dunyodagi eng yirik tadbir – “PDAC 2023: The World’s Premier Mineral Exploration & Mining Convention” anjumani boshlandi.

1932-yildan boshlab Kanadaning konchilar va ishlab chiqaruvchilar assotsiatsiyasi tomonidan Toronto shahrida o‘tkazilayotgan “PDAC” anjumanida har yili dunyoning 130 dan ortiq mamlakatidan qariyb 30 ming nafar ishtirokchi, 2,5 ming nafar investor, mingdan ortiq kompaniyalar vakillari qatnashib kelmoqda. Mazkur anjuman doirasida tarmoq ko‘rgazmalari va tadbirlari, taqdimotlar, investorlar bilan uchrashuvlar, ikki tomonlama muzokaralar olib borilmoqda.     

Joriy yilda mazkur anjumanda “Navoiy kon-metallurgiya kombinati” aksiyadorlik jamiyati vakillari, xususan bosh direktorning transformatsiya masalalari bo‘yicha birinchi o‘rinbosari Ye.Antonov, bosh direktorning xodimlar va maʼmuriy masalalar bo‘yicha o‘rinbosari Q.Taparov, bosh direktorning iqtisod va moliya bo‘yicha o‘rinbosari v.b. Sh.Aminov, Mineral xomashyo resurslar bo‘limi boshlig‘i M.Isayevlar ishtirok etmoqdalar.

“PDAC” anjumani 8-mart kunigacha davom etadi.

“NKMK” AJ Matbuot xizmati.