• Yaratildi: 25.03.2023
• Yangilandi: 25.03.2023
• O'qildi: 3124

“Insonga eʼtibor va sifatli taʼlim yili”ga oid Davlat dasturi amalda

2022-2026-yillarga mo‘ljallangan Yangi O‘zbekistonning taraqqiyot strategiyasining uchinchi yo‘nalishi milliy iqtisodiyotni jadal rivojlantirish va yuqori o‘sish surʼatlarini taʼminlash bo‘lib, buning uchun mamlakatimizda investitsiya muhitini yanada yaxshilash va uning jozibadorligini oshirish vazifasi belgilandi.

Mazkur hujjatdan “Navoiy kon-metallurgiya kombinati” aksiyadorlik jamiyatiga daxldor vazifalar o‘rin olgan. Xususan, 2022-2026-yillarga mo‘ljallangan Yangi O‘zbekistonning taraqqiyot strategiyasini “Insonga eʼtibor va sifatli taʼlim yili”da amalga oshirishga oid Davlat dasturining 44-bandida Nurota tumani hududidagi "Pistali" konida 4 mln tonna oltin maʼdanni qayta ishlash majmuasining (6-gidrometallurgiya zavodi) qurilishini yakunlash belgilangan. Dasturning 79-bandida “NKMK” AJda transformatsiya jarayonlarini jadallashtirish nazarda tutilgan.

Kombinat jamoasi hamisha davlat dasturlarida belgilangan vazifalarni muvaffaqiyatli amalga oshirib kelmoqda. Jumladan, 2022-2026-yillarga mo‘ljallangan Yangi O‘zbekistonning taraqqiyot strategiyasini 2023-yil – “Insonga eʼtibor va sifatli taʼlim yili”da kombinatda amalga oshirishga oid 8 ta bo‘lim, 41 ta banddan iborat 290,5 mlrd so‘m va 405,5 mln AQSH dollar sarflanishi ko‘zda tutilgan  chora-tadbirlar dasturi amalga oshirilmoqda.  

“NKMK” AJ Matbuot xizmati.