• Yaratildi: 31.03.2023
• Yangilandi: 31.03.2023
• O'qildi: 1611

Ochiqliq va shaffoflikni taʼminlash muhokama etildi

31-mart kuni Navoiy shahridagi “NKMK tarixi” muzeyida Navoiy kon-metallurgiya kombinati faoliyatida ochiqliq va shaffoflikni taʼminlash hamda jamoatchilik fikrini o‘rganishga bag‘ishlangan uchrashuv o‘tkazildi.

Uchrashuvda “NKMK” AJ Jamoatchilik bilan aloqalar bo‘yicha direktori X.Raupov, “Konchilar hayoti” gazetasi muharriri N.Sadriddinov, kombinat bo‘linmalari – Markaziy, Shimoliy kon boshqarmalari, “1-GMZ” kon boshqarmasi, Navoiy mashinasozlik zavodi, Zarafshon qurilish boshqarmasi, Markaziy moddiy-texnika bazasi, 3-avtokorxonasining matbuot va maʼnaviyat yo‘nalishi bo‘yicha masʼul xodimlari ishtirok etishdi.

Tadbirda Jamoatchilik bilan aloqalar bo‘yicha direktor X.Raupov so‘zga chiqib, “Navoiy kon-metallurgiya kombinati” aksiyadorlik jamiyati jahonda oltin ishlab chiqaruvchi yirik kompaniyalar to‘rttaligiga kirishi, kombinat yer osti boyliklari zaxiralarini geologik qidirish, qazib olish va qayta ishlashdan to tayyor mahsulot olishgacha bo‘lgan ishlab chiqarish jarayonlari to‘liq amalga oshiriladigan sanoat klasteri ekanligi hamda korxona imijini oshirishga qaratilgan ishlar haqida fikr-mulohazalarini bildirdi.

Uchrashuvda davlat organlari va tashkilotlarida 2022-yilda ochiqlik bo‘yicha amalga oshirilgan ishlarning samaradorligi va natijadorligini baholashga qaratilgan “Ochiqlik indeksi”da “Navoiy kon-metallurgiya kombinati” aksiyadorlik jamiyati 76,2 ball bilan eng yuqori samaradorlik ko‘rsatkichlaridan birini qayd etib, mazkur indeksning 5-pog‘onasini qo‘lga kiritganligi alohida tʼkidlandi.

Kombatning 2022-yil yakunlari bo‘yicha “Ochiqlik indeksi”da yuqori samaradorlik ko‘rsatkichlariga ega bo‘lib, eʼtirofga munosib topilganligi korxona faoliyatida ochiqliq va shaffoflikni taʼminlashga ahamiyat berilayotganligining tasdig‘idir.

Tadbirda kombinat bo‘linmalarida matbuot va maʼnaviyat yo‘nalishida joriy yilning birinchi choragida amalga oshirilgan ishlar muhokama etilib, kelgusidagi rejalar belgilab olindi.

“NKMK” AJ Matbuot xizmati.