• Yaratildi: 17.04.2023
• Yangilandi: 17.04.2023
• O'qildi: 592

Dolzarb mavzuda davra suhbati o‘tkazildi

Onalar – millat tarbiyachilari bo‘lib, oila, farzand tarbiyasi, farzand tarbiyasida ayolning o‘rni bugungi kunda har qachongidan ham dolzarb.

“NKMK” AJ ayollar Kengashi tashabbusi bilan Navoiy mashinasozlik zavodida tashkil etilgan “Oila mustahkamligi, masʼuliyati va farzand tariyasida ayolning o‘rni” mavzusidagi davra suhbatida ham ushbu borada fikr va mulohazalar bildirildi.

Tadbirda “NKMK” AJ ayollar Kengashi raisi S.Nazarova, Navoiy viloyat IIB jamoat xavsizligi xizmati huquqbuzarliklar profilaktikasi boshlig‘i o‘rinbosari G.O‘sarova, Navoiy viloyat IIB psixologi M.Orziyeva va “NKMK jamg‘armasi” DM maʼnaviy-maʼrifiy ishlar bo‘yicha muhandisi J.Shuhratovlar ishtirok etdilar.  

Davra suhbatida bugungi kunda xotin-qizlarning jamiyatdagi o‘rni va rolini, shuningdek, ularning ijtimoiy faolligini oshirish, taʼlim olishlari uchun keng imkoniyatlar yaratilayotganligi haqida so‘z yuritildi.

Muloqot so‘ngida kombinat xotin-qizlarining fikr-mulohazalari tinglandi. Farzand tarbiyasida muhim bo‘lgan kitobxonlik va kitob mutolaasi haqida ham tavsiyalar berildi.

“NKMK” AJ ayollar Kengashi.