• Yaratildi: 01.05.2023
• Yangilandi: 01.05.2023
• O'qildi: 251

Ishchi-xodimlar ishtirokida seminar o‘tkazildi

“NKMK” AJ ayollar Kengashi tomonidan 27-aprel kuni kombinat bo‘linmalarida ishchi-xodimlar ishtirokida O‘zbekiston Respublikasining “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni va boshqa qonunchilik hujjatlari mazmun-mohiyatini tushuntirishga bag‘ishlangan seminar tashkil etildi.

Seminarda Navoiy viloyat IIBga qarashli huquqbuzarlik profilaktika boshqarmasi boshlig‘i o‘rinbosari, podpolkovnik Gulbahor O‘sarova, Navoiy viloyat sudi sudyasi Gulnafis Hudoyberdiyeva, Navoiy shahar Adliya bo‘limi yuridik xizmat ko‘rsatish markazi bosh yuriskonsulti Maftuna Abdukarimovalar ishtirok etishdi.

Tadbirda so‘zga chiqqanlar tomonidan O‘zbekiston Respublikasining “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni qabul qilinganligi, qonun xujjatlarida keltirilgan ustuvor masalalar, maqsad va vazifalar bugun barcha uchun dasturulamal vazifani o‘tayotganligi taʼkidlab o‘tildi.

Tadbir so‘ngida ishchi-xodimlar o‘zlarini qiziqtirgan barcha savollariga javoblar olishdi, o‘zaro fikrlar almashildi.

“NKMK” AJ ayollar Kengashi