• Yaratildi: 16.05.2023
• Yangilandi: 16.05.2023
• O'qildi: 2159

NKMK vakillari xalqaro biznes-forumda ishtirok etmoqda  

16-may kuni Samarqand shahrida Yevropa tiklanish va taraqqiyot banki Boshqaruvchilar kengashining 32-yillik anjumani boshlandi.

Mazkur anjumanda 70 dan ortiq xorijiy davlatlarning hukumatlar vakillari, transmilliy korporatsiyalar rahbarlari, xalqaro moliya institutlari va banklari rahbarlari, iqtisodiyot, investitsiyalar, moliya va texnologiyalar sohasidagi taniqli ekspertlar qatnashmoqda. Anjuman doirasida biznes-forum, panel muhokamalari, hamkorlik sessiyalari va boshqa tadbirlar o‘tkazilishi rejalashtirilgan.

Biznes-forumda “Navoiy kon-metallurgiya kombinati” aksiyadorlik jamiyati vakillari, xususan bosh direktorning transformatsiya masalalari bo‘yicha birinchi o‘rinbosari Ye.Antonov, bosh direktorning iqtisod va moliya bo‘yicha o‘rinbosari Sh.Aminovlar ishtirok etib, xalqaro moliya institutlari va banklari vakillari bilan ikki tomonlama muzokaralar olib bormoqda.

Anjuman doirasidagi tadbirlar 18-maygacha davom etadi.

 “NKMK” AJ Matbuot xizmati.