• Yaratildi: 25.05.2023
• Yangilandi: 25.05.2023
• O'qildi: 2256

Sexda qimmatbaho metallar qayta ishlanmoqda

Bugungi kunda Navoiy kon-metallurgiya kombinati tomonidan Qizilqum kengliklarida joylashgan “Auminzo-Amantoy” konida qimmatbaho metallar qazish va qayta ishlash ishlari amalga oshirilmoqda.  

2017-yildan boshlab ushbu kon negizida Uyumda eritmaga o‘tqazish sexi ish boshladi. Mazkur sexda “Auminzo-Amantoy” konining “Nuqrakon” karyerida qazib olingan maʼdandan uyumdagi qimmatbaho metallarni eritmaga o‘tqazgan holda qator texnologik jarayonlar amalga oshirilib, oltin-kumush qotishmasi ko‘rinishida yarim tayyor mahsulot olinmoqda. Yarim tayyor mahsulot affinaj qilish uchun 2-gidrometallurgiya zavodiga yetkazib berilmoqda.   

Belgilangan rejalarni muntazam bajarishda ishchilar, mutaxassis va rahbar xodimlarning malaka va tajribasi muhim ahamiyat kasb etadi. Hozirda mazkur sexda 200 nafarga yaqin ishchi-xodim mehnat qilmoqda. Sex jamoasi asosan 30 yoshgacha bo‘lgan yoshlardan tashkil topgan.

“NKMK” AJ Matbuot xizmati.