• Yaratildi: 14.11.2023
• Yangilandi: 14.11.2023
• O'qildi: 1758

Zarafshon shahrida NKMKning 65 yilligi nishonlandi

14-noyabr kuni Zarafshon shahridagi "Oltin vodiy" madaniyat uyida Navoiy kon-metallurgiya kombinati tashkil topganligining 65 yilligiga bag‘ishlangan bayram tantanasi o‘tkazildi.

Tantanada "NKMK" AJ Markaziy kon boshqarmasi va Zarafshon qurilish boshqarmasi bo‘linmalarida mehnat qilayotgan ishchi-xodimlar va mehnat faxriylari ishtirok etishdi. “NKMK” AJ Boshqaruvi raisi – Bosh direktori Quvondiq Sanaqulov tadbir ishtirokchilarini Navoiy kon-metallurgiya kombinati tashkil topganligining 65 yilligi bilan samimiy muborakbod etdi.  

Tadbirda bir guruh ishchi-xodimlar ko‘p yillik fidokorona mehnati va bayram munosabati bilan “Konchilik shuhrati” va “NKMK faxriysi” ko‘krak nishonlari, faxriy yorliqlar bilan taqdirlandi. “Oltin vodiy” madaniyat uyi ijodkorlari tomonidan tayorlangan konsert dasturi namoyish etildi. Bayram tantanasi rang-barang mushakbozlik bilan yakunlandi.

“NKMK” AJ Matbuot xizmati.