• Yaratildi: 07.12.2023
• Yangilandi: 07.12.2023
• O'qildi: 1493

Konstitutsiya inson manfaatlariga xizmat qiladi

8-dekabr – O‘zbekiston Respublikasi Konstitutsiyasi kuni hamda 9-dekabr – Xalqaro korrupsiyaga qarshi kurashish kuni munosabati bilan Navoiy mashinasozlik zavodida ishchi-xodimlar bilan uchrashuv o‘tkazildi.

Uchrashuvda Korrupsiyaga qarshi kurashish agentligi, viloyat prokuraturasi va ichki ishlar boshqarmasi, Alisher Navoiy nomli jomeʼ masjidi, “NKMK” AJ Komplayens xizmati vakillari, zavod rahbariyati ishtirok etishdi.

Tadbirda yangi tahrirdagi Konstitutsiyamizning mazmun va mohiyati, unga kiritilgan eng muhim o‘zgarishlar, Bosh qomusimizning jamiyat hayotida tutgan o‘rni va inson manfaatlariga xizmat qilishi alohida taʼkidlandi.

Shuningdek, mamlakatimizda korrupsiyaga qarshi kurashish bo‘yicha keng qamrovli ishlar olib borilayotganligi, bu borada bir qator dasturlar qabul qilinib, ushbu dasturlar ijrosi yuzasidan chora-tadbirlar amalga oshirilayotganligi to‘g‘risida fikr-mulohazalar bildirildi.

Tadbir yakunida korxona ishchi-xodimlarining savollariga batafsil javoblar berildi.

 “NKMK” AJ Matbuot xizmati.