• Yaratildi: 12.12.2023
• Yangilandi: 12.12.2023
• O'qildi: 2232

Respublika tarmoqlararo sanoat yarmarkasi o‘tkazilmoqda

12-dekabr kuni Toshkent shahridagi “O‘zekspomarkaz”da Respublika tarmoqlararo sanoat yarmarkasi o‘z ishini boshladi.

Mamlakatimizning yirik sanoat korxonalari va mahalliy ishlab chiqaruvchilar o‘rtasida tarmoqlararo sanoat kooperatsiyasi aloqalarini yanada kengaytirish maqsadida tashkil etilgan mazkur yarmarka joriy yilning 12-15-dekabr kunlari davom etadi. 

Yarmarka doirasida 17 dan ortiq yirik tarmoq korxonalari hamda 300 dan ortiq mahalliy ishlab chiqaruvchi korhonalar tomonidan mahsulotlar ko‘rgazmasi namoyish etiladi. Ko‘rgazma pavilyonlaridan kon-metallurgiya va kimyo, neftgaz, energetika va elektrotexnika, transport, telekommunikatsiya, farmatsevtika, qurilish materiallari va mebel, to‘qimachilik va charm sanoati mahsulotlari joy olgan. 

Mazkur yarmarkada “Navoiy kon-metallurgiya kombinati” AJ vakillari faol ishtirok etishmoqda.

“NKMK” AJ Matbuot xizmati.