• Yaratildi: 18.12.2023
• Yangilandi: 18.12.2023
• O'qildi: 1452

2023-yilning muhim voqealari: yanvar, fevral, mart oylari

YANVAR OYI

➡️ 6-yanvar kuni Nurota tumani hududida joylashgan “Pistali” konida birinchi portlatish ishlari amalga oshirildi. Mazkur konda yiliga 4 mln tonna oltin tarkibli maʼdan qazib olinadi.

➡️ 31-yanvar kuni Navoiy shahridagi monomarkazda “Muhandis kadrlar tayyorlash, shu jumladan, kadrlarni o‘qitish va qayta tayyorlash borasida olib borilayotgan ishlar va istiqboldagi rejalar” mavzusida OAV vakillari va jurnalistlar uchun matbuot anjumani o‘tkazildi.

FEVRAL OYI

➡️ 13-fevral kuni "NKMK" AJ Markaziy kon boshqarmasi Temir yo‘l transporti boshqarmasiga 4 ta yangi, yuqori ish samaradorligiga ega teplovoz keltirildi.

➡️ 18-fevral kuni Oliy taʼlim, fan va innovatsiyalar vazirligida O‘zbekiston Respublikasi Prezidentining 2022-yil 12-dekabrda imzolangan Farmoniga muvofiq kombinat mutaxassislariga fan va texnika sohasida birinchi darajali Davlat mukofoti topshirildi.

➡️ 21-fevral kuni "NKMK" AJ Navoiy mashinasozlik zavodi Quymachilik sexida 25 tonnalik yangi zamonaviy metall eritish pechi ishga tushirildi.

➡️ Markaziy kon boshqarmasida geologik-qidiruv ishlari, maʼdanni qazib olish, tashish va gidrometallurgiya zavodlarida qayta ishlash jarayonlarini to‘liq kuzatib borish, tahlil qilish va boshqarish bo‘yicha raqamlashtirilgan yagona boshqaruv markazi ishga tushirildi.

MART OYI

➡️ 5-8-mart kunlari Kanadaning Toronto shahrida o‘tkazilgan PDAC konchilik sanoati xalqaro anjumanda "NKMK" AJ vakllari ishtirok etishdi.

➡️ 8-mart – Xalqaro xotin-qizlar kuni munosabati bilan Navoiy mashinasozlik zavodi temirchilik-presslash sexi mashinisti Zulfiya Ahmedova “Mehnat shuhrati” ordeni bilan taqdirlandi.

➡️ 13-mart kuni NKMK yosh ishchi-xodimlari o‘rtasida 2022-yilda o‘tkazilgan “Eng yaxshi ratsionalizatorlik taklifi” tanlovi g‘oliblari taqdirlandi.

➡️ 27-mart kuni Nurota tumanidagi “Pistali” konidan qazib chiqarilgan tog‘ jinslari hajmi 1 mln kubometrni tashkil etdi.

➡️ 29-mart kuni O‘zbekiston Respublikasi Korrupsiyaga qarshi kurashish agentligida davlat organlari va tashkilotlarida 2022-yilda ochiqlik bo‘yicha amalga oshirilgan ishlarning samaradorligi va natijadorligini baholashga qaratilgan “Ochiqlik indeksi” natijalari eʼlon qilindi. “NKMK” AJ 76,2 ball bilan mazkur indeksning 5-pog‘onasini qo‘lga kiritdi.

➡️ 31-mart kuni “NKMK” AJ faoliyatining 2022-yil yakunlari bo‘yicha OAV vakillari va jurnalistlar uchun matbuot anjumani o‘tkazildi.

“NKMK” AJ Matbuot xizmati.