• Yaratildi: 25.01.2024
• Yangilandi: 25.01.2024
• O'qildi: 1796

Transport sohasidagi tejamkorlik samarasi

“Navoiy kon-metallurgiya kombinati” AJda transport sohasi muhim o‘ringa ega. Yuk tashish, ishchi-xodimlarni manzillarga olib borish va olib kelish hamda konlardan qazib olinadigan maʼdanlarni gidrometallurgiya zavodlariga yetkazishda aynan avtomobil va temir yo‘l transportining hissasi beqiyos.

Bugungi davr talabi NKMKda transport vositalaridan oqilona foydalanishni taqozo etmoqda. 2023-yilda transport sohasida ishlab chiqarish tannarxini kamaytirish va yoqilg‘i-moylash materiallaridan oqilona foydalanishga yo‘naltirilgan chora-tadbirlar rejasi ishlab chiqilib, unga ko‘ra ishlar tashkillashtirildi.

Xususan, o‘tgan yilda umumiy qiymati 165,4 mlrd so‘mlik 12,1 ming tonnadan ortiq dizel yonilg‘isi, 23,5 tonna benzin va 338,5 tonna motor moyini iqtisod qilish mo‘ljallangan edi. Iqtisodiy tejamkorlikka erishish yo‘lida amalga oshirilgan ishlar evaziga qariyb 171,5 mlrd (104 foiz) so‘m mablag‘ iqtisod qilinishiga erishildi.

Joriy yilda ham tadbirlarning bajarilishi izchil nazorat qilinib, dizel yonilg‘isi, benzin va dvigatel moyidan tejab-tergab foydalanish, ortiqcha isrofgarchiliklarning oldini olish bo‘yicha choralar ko‘rilmoqda.

“NKMK” AJ Matbuot xizmati.