• Yaratildi: 16.02.2024
• Yangilandi: 16.02.2024
• O'qildi: 2159

Korxona mutaxassislari malakasini oshirmoqda

Oldin xabar berganimizdek, “Navoiy kon-metallurgiya kombinati” AJda xodimlar malakasini oshirish maqsadida kombinatning Zarafshon, Navoiy shaharlaridagi O‘quv markazlarida Tog‘-kon va geologiya sohasi xodimlari malakasini oshirish instituti vakillari tomonidan qonunchilik targ‘ibotiga doir o‘n kunlik o‘quv kurslari o‘tkazilgan edi.

Shu bilan birga, korxonaning Uchquduq shahridagi O‘quv markazida ham yuqorida qayd etilgan oliy o‘quv yurti o‘qituvchilari tomonidan o‘quv kursi davom ettirilmoqda.  

Ushbu o‘quv jarayonida Shimoliy kon boshqarmasi bo‘linmalaridan qariyb 30 nafar mutaxassis “Yangi Mehnat kodeksi nazariyasidan amaliyotga” mavzusidagi mashg‘ulotlarda huquqiy bilimlari, amaliy ko‘nikmalarini oshirmoqda.

“NKMK” AJ Matbuot xizmati.