• Yaratildi: 26.02.2024
• Yangilandi: 26.02.2024
• O'qildi: 1894

Konstruktorlarning ishlanmalari ishlab chiqarishda qo‘llanilmoqda

Bugungi kunda kombinatning Markaziy konstruktorlik byurosi tomonidan davlat standartlari va qoidalariga javob beradigan yuqori texnik darajadagi konstruksiyalar, texnologik va nostandart jihozlar, kon-texnika va ishlab chiqarish ishlari loyihalashtirilmoqda.

So‘nggi yillarda mazkur byuro mutaxassislari tomonidan ko‘plab ratsionalizatorlik ishlanmalari va takliflar ishlab chiqilgan bo‘lib, O‘zbekiston Respublikasi Intellektual mulk agentligi reyestridan o‘tgan va patentlangan. Ushbu patentlar asosida byuro tomonidan ishlab chiqilgan konstruktorlik hujjatlari asosida tayyorlangan yangi detal va texnologik jihozlar kombinat bo‘linmalarida keng qo‘llanilib, iqtisodiy foyda keltirmokda.

Xususan, 2023-yilda kombinat bo‘linmalarining buyurtmalariga asosan 53 ta konstruktorlik hujjatlari ishlab chiqildi. Ishlab chiqarish uchun zarur uskunalar konstruktorlik hujjatlariga asosan Navoiy mashinasozlik zavodi va Markaziy kon boshqarmasining Markaziy taʼmirlash-mexanika sexida tayyorlanmoqda.

Joriy yilda ham byuro jamoasi qator loyihalar bo‘yicha konstruktorlik hujjatlarini ishlab chiqish ustida ish olib bormoqda.

“NKMK” AJ Matbuot xizmati.