• Yaratildi: 04.04.2024
• Yangilandi: 04.04.2024
• O'qildi: 91

Sohibqiron Amir Temur tavalludining 688 yilligiga bag‘ishlangan tadbirlar

Navoiy kon-metallurgiya kombinati bo‘linmalari – Markaziy kon boshqarmasi Markaziy taʼmirlash mexanika sexi hamda Janubiy kon boshqarmasida buyuk davlat arbobi Amir Temur tavalludining 688 yilligi munosabati bilan “Amir Temur – maʼnaviyat sohasi homiysi” mavzusida maʼnaviy-maʼrifiy tadbirlar tashkil etildi.

Tadbirlarda 2-gidrometallurgiya zavodi, Markaziy taʼmirlash mexanika sexi, Markziy nazorat-o‘lchov asboblari va avtomatika laboratoriyasi hamda Markaziy moddiy-texnika bazasi, Janubiy kon boshqarmasi korxonalarining ishchi-xodimlari ishtirok etishdi.

“NKMK” AJ Matbuot xizmati xodimi Azamat Zaripov, “NKMK jamg‘armasi” DM maʼnaviy-maʼrifiy ishlar bo‘yicha mutaxassisi J.Shuhratov va boshqalar ishchi-xodimlarning maʼnaviy dunyoqarashini oshirishda Amir Temurning maʼnaviy merosi, xususan Temur tuzuklarining beqiyos tutgan o‘rni haqida batafsil to‘xtalishdi. Shuningdek, buyuk sarkarda Amir Temurning hayoti, siyosiy va ijtimoiy faoliyati, temuriylar davlat tizimini mustahkamlash va boshqarishdagi tartib-intizom, umuman o‘zbek milliy davlatchiligi taraqqiyotida temuriylar davrining o‘ziga xos xususiyatlari va ahamiyati haqida batafsil tushuncha berildi.

Mazkur maʼnaviy-maʼrifiy tadbirlar ishtirokchilarning ijtimoiy-siyosiy va maʼnaviy dunyoqarashini yuksaltirish bilan bir qatorda ularda buyuk ajdodlarimizga bo‘lgan yuksak ehtirom tuyg‘ularini yana-da mustahkamlashga xizmat qildi.

“NKMK” AJ Maʼnaviyat va maʼrifat markazi.