• Yaratildi: 13.04.2024
• Yangilandi: 17.04.2024
• O'qildi: 1426

Germaniya va O‘zbekiston o‘rtasida taʼlim, fan va sanoat hamkorligi

11-aprel kuni Germaniyaning Myunxen texnika universitetida Maktabgacha va maktab ta'limi vazirligi va “Yangi O‘zbekiston” universiteti tomonidan “Chegaralarsiz: Germaniya va O‘zbekiston o‘rtasida taʼlim, fan va sanoat bo‘yicha hamkorlikning yangi bosqichi imkoniyatlari” mavzusida halqaro simpozium o‘tkazildi.

Mazkur simpoziumda O‘zbekiston va Germaniyaning oliy taʼlim muassasalari, davlat idoralari va sanoat korxonalari vakillari qatnashdi.

Tadbirda mamlakatimiz delegatsiyasi tarkibida "Yangi O‘zbekiston" universiteti bilan birgalikda iqtisodiyotning drayver tarmoqlari bo‘lgan to‘qimachilik, charmpoyabzal, elektrotexnika, energetika, avtomobil, kimyo va metallurgiya korxonalarining rahbar va mutaxassislari qatnashishdi. Xususan, simpoziumda "Navoiy kon-metallurgiya kombinati" AJ bosh direktorining o‘rinbosari Q.Taparov ham ishtirok etdi.

Simpoziumning panel sessiyalarida O‘zbekiston va Germaniyaning nufuzli oliygohlari va kompaniyalari, jumladan Energetika vazirligi, “NKMK” AJ, “OKMK” AJ, O‘zmetkombinat, O‘zbekiston havo yo‘llari kabi kompaniyalarning rahbar va mutaxassislari salohiyatli talabalarni mahalliy va sanoat korxonalarida amaliyotlarini tashkil etish, ilmiy tadqiqot ishlarini birgalikda olib borish yuzasidan o‘zaro tajriba va fikr almashishdi.

Ushbu simpozium doirasida o‘rnatilgan hamkorlik aloqalari natijasida o‘zbek va nemis sanoat kompaniyalari ishtirokida “Yangi O‘zbekiston” universiteti Xalqaro sanoat maslahatlashuv kengashini tashkil etish rejalashtirilmoqda. 

Mazkur Kengash tomonidan kelgusida O‘zbekistonda “fan-taʼlim-ishlab chiqarish” yaxlit tizimni nemis tajribasi asosida yanada rivojlantirish kabi vazifani amalga oshirilishi ko‘zda tutilgan.

“NKMK” AJ Matbuot xizmati.