• Yaratildi: 16.04.2024
• Yangilandi: 16.04.2024
• O'qildi: 945

Fuqarolar murojaatlari hal etildi

Aholi bilan ochiq muloqot qilish, ularning muammolarini aniqlash va bevosita joyida hal etish maqsadida “NKMK” AJ Boshqaruvi raisi – Bosh direktori Q.Sanaqulovning navbatdagi qabuli kombinat boshqarmasida o‘tkazildi.

Qabulda ish bilan taʼminlash, yotoqxonadagi bo‘sh turgan xonalarni ijaraga berish, ish stajini tiklash, oliy taʼlim muassasasida o‘qishda amaliy yordam ko‘rsatish masalalari yuzasidan fuqarolarning murojaatlari ko‘rib chiqildi.

Fuqarolarning ish bilan taʼminlash bo‘yicha murojaatlariga kombinatda tanlov asosida ishga qabul qilish tizimi joriy etilganligi, unga ko‘ra murojaatchilar sinov imtihonlarida ishtirok etishi va o‘tkazilgan sinov jarayonida to‘plagan ball natijalari asosida ishga joylashish masalasi o‘rnatilgan tartibda ko‘rib chiqilishi to‘g‘risida tushuntirishlar berildi.

Mazkur qabulda murojaatlarning bir qismiga o‘z joyida yechim topilgan bo‘lsa, qolgan murojaatlar atroflicha o‘rganish va asoslantirilgan javob berish uchun tegishli mutasaddilarga yo‘naltirildi.

“NKMK” AJ Matbuot xizmati.