• Yaratildi: 18.04.2024
• Yangilandi: 18.04.2024
• O'qildi: 978

AQShning O‘zbekistondagi elchixonasi vakillari bilan uchrashuv o‘tkazildi

Kuni kecha Amerika Qo‘shma Shtatlarining O‘zbekistondagi elchixonasi vakillari Navoiy kon-metallurgiya kombinatiga tashrif buyurdi.

“NKMK” AJ boshqarmasida kombinat rahbariyati va xorijiy delegatsiya vakillari o‘rtasida uchrashuv o‘tkazildi. Uchrashuvda ikki davlat o‘rtasida tog‘-kon sanoatidagi hamkorlikni kengaytirish masalalari muhokama etildi.

Muloqot davomida kombinat faoliyati, so‘nggi yillarda ishga tushirilgan yangi korxonalar, ishlab chiqarish hajmini oshirish va amaldagi quvvatlarni modernizatsiyalashga qaratilgan investitsion loyihalar bosqichma-bosqich amalga oshirilayotganligi hamda erishilgan yutuqlar to‘g‘risida maʼlumot berildi.  

Shuningdek, uchrashuvda kombinat transformatsiyasi jarayonlari, xalqaro kredit reytinglarini olish va boshqa masalalar muhokama qilindi.

 “NKMK” AJ Matbuot xizmati.