• Yaratildi: 19.04.2024
• Yangilandi: 19.04.2024
• O'qildi: 1033

“Uzassets” AJ vakillari bilan uchrashuv o‘tkazildi

18-aprel kuni “NKMK” AJ boshqarmasida kombinat rahbariyati va “Uzassets” AJ vakillari o‘rtasida uchrashuv o‘tkazildi.

Uchrashuvda “Uzassets” AJ tomonidan ishlab chiqilgan “NKMK” AJning 2024-yildagi faoliyatiga doir “Aksiyador kutilmalari” loyihasi muhokama qilindi.

Shuningdek, tomonlar kelgusidagi barqaror rivojlanish, jarayonlarning operatsion va tashkiliy samaradorligini oshirish, kombinatni rivojlantirishning qisqa, o‘rta va uzoq muddatli strategik rejalarini belgilashga qaratilgan ustuvor vazifalar to‘g‘risida o‘zaro axborot almashdilar.

Taʼkidlash joizki, “Aksiyador kutilmalari” loyihasining muhokamasi davlat boshqaruvidagi yirik kompaniyalarni isloh qilish doirasida bo‘lib o‘tmoqda.

“Uzassets” AJ – davlat ishtirokidagi kompaniyalarni isloh qilish, ularning investitsion jozibadorligini oshirish, korporativ boshqaruv mexanizmlarini joriy etish jarayonlarini boshqaradigan investitsion kompaniyasi (O‘zbekiston Respublikasi Prezidentining 2023-yil 1-martdagi PQ-83-son va 2023-yil 18-avgustdagi PQ-283-son qarorlariga muvofiq).

“NKMK” AJ Matbuot xizmati.