• Yaratildi: 01.12.2021
• Yangilandi: 01.12.2021
• O'qildi: 148

“Yil ayoli – 2021” tanlovida kombinat vakilasi faoliyati ham eʼtirof etildi

Navoiy shahridagi “Maʼnaviyat va maʼrifat markazi”da respublika xotin-qizlar jamoatchilik kengashi, Oliy Majlis Senatining Xotin-qizlar va gender tenglik masalalari qo‘mitasi, Mahalla va oilani qo‘llab-quvvatlash vazirligi, Xotin-qizlarni qo‘llab-quvvatlash Davlat maqsadli jamg‘armasi tomonidan eʼlon qilingan “Yil ayoli” milliy tanlovining viloyat bosqichi g‘oliblari aniqlandi.

Tantanali marosimda jamiyatimiz rivojiga munosib hissa qo‘shib kelayotgan, yuksak maʼnaviyatli, oilada va farzand tarbiyasida ibrat, o‘zlari faoliyat ko‘rsatayotgan tashkilotlar nufuzini oshirishda faol ishtirok etayotgan turli soha egalari bo‘lgan yuz nafar xotin-qizga “Tashakkurnoma” va esdalik sovg‘alari topshirildi.

Quvonarlisi, ular qatorida NKMK Oila va xotin-qizlarni qo‘llab-quvvatlash Kengashi raisi Sabohat Nazarova ham “Tashakkurnoma” va esdalik sovg‘aga munosib ko‘rildi.

“NKMK” AJ matbuot xizmati.