• Yaratildi: 01.06.2022
• Yangilandi: 01.06.2022
• O'qildi: 441

Ishchi-xodimlari bilan maʼnaviy-maʼrifiy uchrashuv

31-may kuni “NKMK” AJ “1-GMZ” kon boshqarmasida jamoyatchilik vakillarining korxona ishchi-xodimlari bilan "Oila mustahkamligi va masʼuliyati, oilaviy ajrimlar va ularning oldini olish" mavzusida maʼnaviy-maʼrifiy uchrashuvi o‘tkazildi.

Uchrashuvda Musulmonlar idorasi Navoiy viloyat vakilligi bosh imom-xatibi o‘rinbosari D.Ergashev, Navoiy viloyati xotin-qizlar jamoatchilik Kengashi aʼzosi, xalq deputatlari Navoiy shahar Kengashi deputati L.Xaydarova, “NKMK” AJ ayollar Kengashi raisi o‘rinbosari D.Baxramova hamda “1-GMZ” kon boshqarmasi ishchi-xodimlari ishtirok etishdi.

Tadbirda so‘zga chiqqanlar tomonidan kombinat ishchi-xodimlari oilalarida ijtimoiy-maʼnaviy muhit barqarorligiga salbiy taʼsir ko‘rsatuvchi holatlarga sabab bo‘layotgan omillar va shart-sharoitlarni o‘rganish hamda ularning oldini olish, er va xotin majburiyatlari, halollik va poklik, nikohning muqaddasligi, ajrim yoqasida turgan oilalarni yarashtirish, notinch oilalarda muhitni sog‘lomlashtirish masalalarini mustahkamlashga qaratilgan viloyat miqyosida o‘tkazilayotgan chora-tadbirlar yuzasidan maʼlumot berildi.

Shuningdek, tadbirda ishtirok etgan korxona ishchi-xodimlari bilan mavzuga oid treninglar o‘tkazildi.

“NKMK” AJ ayollar Kengashi.