“Navoiy kon-metallurgiya kombinati” AJ Boshqaruvi raisi – Bosh direktori Quvondiq Sanaqulovga Germaniyaning Frayberg Konchilik akademiyasining Oltin faxriy nishoni (Goldene Ehrennadel) topshirildi.

Bu eʼtirof taniqli olim, texnika fanlari doktori, professor Quvondiq Sanaqulovga konchilik ishi va metallurgiya sohasidagi ilmiy hamkorlik va tadqiqotlarni rivojlantirish hamda xalqaro aloqalarni kengaytirishga qo‘shgan ulkan hissasi uchun berildi.

Oltin faxriy nishonini Frayberg Konchilik akademiyasi professori Karsten Drebenshtedt topshirdi.

Maʼlumot o‘rnida aytish kerakki, mazkur akademiya (TU Bergakademie Freiberg) 1765-yil 21-noyabrda tashkil etilgan bo‘lib, konchilik ishi, metallurgiya va tabiiy resurslar fanlariga ixtisoslashgan dunyodagi nufuzli muassasalardan biri hisoblanadi.

Quvondiq Sanaqulovichni Oltin faxriy nishoniga sazovor bo‘lganligi munosabati bilan samimiy tabriklaymiz.

“NKMK” AJ Matbuot xizmati