Navoiy kon-metallurgiya kombinati korxonalarida ishchi-xodimlarga munosib mehnat sharoitlarini yaratish, shu jumladan, ularni ovqatlantirish masalalariga doimiy eʼtibor qaratilmoqda.

Joriy yilning 23-24-sentabr kunlari “NKMK” AJ Korporativ ijtimoiy masʼuliyatlar bo‘limi hamda “NKMK jamg‘armasi” DM sanitariya-epidemiologiya markazi bilan hamkorlikda Markaziy kon boshqarmasi bo‘linmalarida noqulay mehnat sharoitlaridagi ishlarda band bo‘lgan ishchi-xodimlarni profilaktik oziq-ovqat va sut mahsulotlari bilan taʼminlash hamda bu yo‘nalishdagi ishlar hisobotini raqamli tizim asosida yuritish yuzasidan o‘quv-seminari tashkil etildi.

Mazkur o‘quv-seminarlardan ko‘zlangan asosiy maqsad – ishchi-xodimlarni kasbiy kasalliklardan himoya qilish, noqulay mehnat sharoitlarida ishlashda yo‘qotilishi mumkin bo‘lgan vitaminlar, mikroelementlar va boshqa oziqa moddalar yetishmovchiligini to‘ldirish uchun isteʼmol qilinadigan profilaktik oziq-ovqat va sut mahsulotlari to‘g‘risida keng tushincha berish va ishchi-xodimlar bilan fikr almashishdan iboratdir.

Tadbirlarda masʼullar tomonidan ishchi-xodimlar bilan ochiq muloqot o‘tkazilib, tegishli tavsiyalar berildi va tushintirish ishlari olib borildi. Shuningdek, bo‘linmalarda ushbu yo‘nalishdagi ishlarni tashkil etish va nazoratini olib borish uchun masʼul rahbarlar ishtirokida jarayonda yuzaga keladigan muammoli holatlar va ularning yechimi bo‘yicha takliflar muhokamasiga qaratilgan treninglar o‘tkazildi.

“NKMK” AJ Korporativ ijtimoiy masʼuliyatlar bo‘limi